ನಟಿ ಶಿಲ್ಪಾ ಶೆಟ್ಟಿ ವಿವಾಹವಾಗಿದ್ದೇ ತಡ ಬಾಲಿವುಡ್ ಗೆ ಟಾಟಾ ಹೇಳ್ಬಿಟ್ರು. ಯೋಗ, ಪತಿ ರಾಜ್ ಕುಂದ್ರಾ ವ್ಯವಹಾರ ಅಂತಾ ಬ್ಯುಸಿಯಾಗಿ ಬಿಟ್ರು. ಈ ನಡುವೆ ಕಿರುತೆರೆಯಲ್ಲಿ ಡ್ಯಾನ್ಸ್ ಕಾರ್ಯಕ್ರಮವೊಂದರಲ್ಲಿ ಜಡ್ಜ್ ಆಗಿ ಕಾಣಿಸಿಕೊಂಡ್ರು ಆ ಬಳಿಕ ಕಿರುತೆರೆಯಲ್ಲೂ ಅವರು ಕಾಣಿಸಿಕೊಳ್ಳಲೇ ಇಲ್ಲ.ಆದ್ರೀಗ ಶಿಲ್ಪಾಶೆಟ್ಟಿ ಮತ್ತೆ ಕಿರುತೆರೆಗೆ ವಾಪಸ್ಸಾಗಿದ್ದಾರೆ.
ಈ ಹಿಂದೆ ನಟಿ ಶಿಲ್ಪಾ ಶೆಟ್ಟಿ ನಾಚ್ ಬಲಿಯೇ,ಝಲಕ್ ದಿಖ್ ಲಾಜಾ ಎರಡು ಡ್ಯಾನ್ಸ್ ಕಾರ್ಯಕ್ರಮಗಳಲ್ಲಿ ಜಡ್ಜ್ ಆಗಿ ಕಾಣಿಸಿಕೊಂಡಿದ್ದರು.ಆ ಬಳಿಕ ಶಿಲ್ಪಾ ಕಿರುತೆರೆಯಿಂದಲೇ ನಾಪತ್ತೆಯಾಗಿದ್ದರು.ಆದ್ರೀಗ ಇಂಡಿಯಾ ಸೂಪರ್ ಡ್ಯಾನ್ಸರ್ ಅನ್ನೋ ಡ್ಯಾನ್ಸ್ ಕಾರ್ಯಕ್ರಮಕ್ಕೆ ಶಿಲ್ಪಾ ಶೆಟ್ಟಿ ಅವರು ತೀರ್ಪುಗಾರರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಅಂದ್ಹಾಗೆ ಈ ಕಾರ್ಯಕ್ರಮದಲ್ಲಿ 8 ರಿಂದ 13 ವರ್ಷದ ಒಳಗಿನ ಮಕ್ಕಳ ನೃತ್ಯ ಪ್ರದರ್ಶನಕ್ಕೆ ಶಿಲ್ಪಾ ಶೆಟ್ಟಿ ಅವರು ಜಡ್ಜ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ.ಶಿಲ್ಪಾ ಅವರಂತೂ ಈ ಕಾರ್ಯಕ್ರಮದಲ್ಲಿ ಜಡ್ಜ್ ಆಗ್ತಿರೋದಕ್ಕೆ ತುಂಬಾನೇ ಖುಷಿಯಾಗಿದ್ದಾರಂತೆ.
ಮಕ್ಕಳ ವಿವಿಧ ರೀತಿಯ ಪರ್ಫಾಮೆನ್ಸ್ ನ್ನು ಕಣ್ತುಂಬಿಕೊಳ್ಳೋದೇ ಒಂದು ಖುಷಿ. ಹೀಗಿರುವಾಗ ನಾನು ಇಂತಹ ಕಾರ್ಯಕ್ರಮಕ್ಕೆ ಜಡ್ಜ್ ಆಗಿ ಆಯ್ಕೆಯಾಗಿರೋದು ನನಗೆ ತುಂಬಾನೇ ಖುಷಿ ತಂದಿದೆ ಅಂತಾ ಅವರು ಹೇಳಿದ್ದಾರೆ.ಇನ್ನು ಕಾರ್ಯಕ್ರಮದಲ್ಲಿ ಬೇರೆ ರು ಜಡ್ಜ್ ಗಳಾಗಿ ಕಾಣಿಸಿಕೊಳ್ಳುತ್ತಾರೆ ಅನ್ನೋದು ಇದುವರೆಗೂ ಖಚಿತವಾಗಿಲ್ಲ.
