ಫ್ಯಾಮಿಲಿ ಜೊತೆ ಟೂರ್ ಹೊರಟ ಸೈಫ್ ಅಲಿ ಖಾನ್ ಏರ್ ಪೋರ್ಟ್ ನಲ್ಲೇ ಸ್ಟಾಫ್ ಜೊತೆಗೆ ಕಿತ್ತಾಟ

Photo Courtesy: Twitter

ಮುಂಬೈ: ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಕ್ರಿಸ್ ಮಸ್ ವೇಳೆಗೆ ಫ್ಯಾಮಿಲಿ ಸಮೇತ ಟೂರ್ ಹೊರಟಿದ್ದಾರೆ. ಈ ವೇಳೆ ಏರ್ ಪೋರ್ಟ್ ನಲ್ಲೇ ಸ್ಟಾಫ್ ಜೊತೆ ಕಿತ್ತಾಡಿದ್ದಾರೆ.

ಕ್ರಿಸ್ ಮಸ್ ಸಂದರ್ಭದಲ್ಲಿ ಬಹುತೇಕ ತಾರೆಯರು ವಿದೇಶಗಳಿಗೆ ಕುಟುಂಬ ಸಮೇತ ಪ್ರವಾಸ ತೆರಳುತ್ತಾರೆ. ಸೈಫ ಕೂಡಾ ತಮ್ಮ ಪತ್ನಿ ಕರೀನಾ, ಮಕ್ಕಳ ಜೊತೆ ವಿದೇಶ ಪ್ರವಾಸಕ್ಕೆ ತೆರಳಿದ್ದಾರೆ.

ಮುಂಬೈ ವಿಮಾನ ನಿಲ್ದಾಣಕ್ಕೆ ಬಂದ ಸೈಫ್ ಭದ್ರತಾ ತಪಾಸಣೆ ಬಳಿಕ ತಮ್ಮ ಬ್ಯಾಗ್ ಹೊತ್ತುಕೊಂಡು ಜೊತೆಗೆ ಬಂದಿದ್ದ ತಮ್ಮ ಸ್ಟಾಫ್ ಜೊತೆಗೆ ವಾಗ್ವಾದ ನಡೆಸಿದ್ದಾರೆ. ಸೈಫ್ ಒಂದೇ ಸಮ ಜೋರಾಗಿ ಕೂಗಾಡುತ್ತಿದ್ದರೆ ಸ್ಟಾಫ್ ಸಮಜಾಯಿಷಿ ನೀಡಲು ಯತ್ನಿಸುತ್ತಿದ್ದುದು ಕಂಡುಬಂತು.

ಪತಿಯ ರೋಷಾವೇಷ ಕಂಡು ಮುಂದೆ ಹೋಗಿದ್ದ ಕರೀನಾ ಮರಳಿ ಬಂದು ಸಮಾಧಾನಿಸಬೇಕಾಯಿತು. ಈ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಇಬ್ಬರ ನಡುವೆ ಕಿತ್ತಾಟಕ್ಕೆ ಕಾರಣವೇನೆಂದು ತಿಳಿದುಬಂದಿಲ್ಲ. ಆದರೆ ಈ ಬಗ್ಗೆ ಕಾಮೆಂಟ್ ಮಾಡಿರುವ ನೆಟ್ಟಿಗರು ಏನೇ ಅಸಮಾಧಾನವಿದ್ದರೂ ಅದನ್ನು ಹೀಗೆ ಬಹಿರಂಗವಾಗಿ ಎಲ್ಲರ ಮುಂದೆ ತೋರಿಸುವ ಅಗತ್ಯವಿತ್ತೇ ಎಂದಿದ್ದಾರೆ.