ಮುಂಬೈ: ಬಾಲಿವುಡ್ ನಟ ರಣವೀರ್ ಸಿಂಗ್ ಗೆ ನಿನ್ನೆಯಷ್ಟೇ 32 ನೇ ವರ್ಷದ ಬರ್ತ್ ಡೇ ಸಂಭ್ರಮ. ಅದಕ್ಕಾಗಿ ಅವರೇ ಒಂದು ಹೊಸ ಕಾರು ಖರೀದಿ ಮಾಡಿದ್ದರು. ಹೊಸ ಕಾರು ಖರೀದಿಸಿದ ಮೇಲೆ ಅದರಲ್ಲಿ ಸುತ್ತಾಡಲು ಜತೆಗಾರರೂ ಬೇಕಲ್ಲವೇ?
ರಣವೀರ್ ಗೆಳತಿ ದೀಪಿಕಾ ಪಡುಕೋಣೆ ಜತೆ ಸುತ್ತಾಡಿದ್ದಾರೆ. ಹೊಸ ಕಾರಿನಲ್ಲಿ ಸ್ವತಃ ತಾವೇ ಡ್ರೈವ್ ಮಾಡಿಕೊಂಡು ದೀಪಿಕಾ ಜತೆ ಮಾಲ್, ಲಾಂಗ್ ಡ್ರೈವ್ ಎಂದು ಸುತ್ತಾಡುತ್ತಿರುವುದು ಫೋಟೋಗ್ರಾಫರ್ ಗಳ ಕಣ್ಣಿಗೆ ಬಿದ್ದಿದೆ. ಹೀಗೇ ಹೊಸ ಕಾರಿನಲ್ಲಿ ಗೆಳತಿ ಜತೆ ಸುತ್ತಾಡಿದ ರಣವೀರ್ ನಂತರ ನೇರವಾಗಿ ಆಕೆಯನ್ನು ಮನೆಗೆ ಕರೆದೊಯ್ದಿದ್ದಾರೆ.
ಇಲ್ಲಿಯೂ ಭರ್ಜರಿ ಬರ್ತ್ ಡೇ ಸೆಲೆಬ್ರೇಷನ್ ಇತ್ತು ಎನ್ನಲಾಗಿದೆ. ರಣವೀರ್ ಮತ್ತು ದೀಪಿಕಾ ಇನ್ನೇನು ಬ್ರೇಕ್ ಅಪ್ ಆಯ್ತು ಎಂದು ಗಾಸಿಪ್ ಕಾಲಂಗಳಲ್ಲಿ ಕಾಣಿಸಿಕೊಳ್ಳುವಾಗಲೇ ಮತ್ತೆ ಜತೆಯಾಗಿ ಕೈ ಕೈ ಹಿಡಿದು ಸುತ್ತಾಡಿ ಹಾಗೇನೂ ಇಲ್ಲ ಎನ್ನುತ್ತಾರೆ. ಹಾಗಿದ್ದರೂ ನೀವು ಪ್ರೇಮಿಗಳಾ ಎಂದು ಕೇಳಿದರೆ, ನಮ್ಮ ಪರ್ಸನಲ್ ಲೈಫ್ ನಮಗೇ ಬಿಟ್ಟು ಬಿಡೀಪ್ಪಾ ಎಂದು ನುಣುಚಿಕೊಳ್ಳುತ್ತಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
