ಮುಂಬೈ:ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಇತ್ತೀಚಿನ ದಿನಗಳಲ್ಲಿ ಒಂದಲ್ಲ ಒಂದು ಸುದ್ದಿಗೆ ಗ್ರಾಸವಾಗುತ್ತಲೇ ಇದ್ದಾರೆ. ಈಬಾರಿ ಪ್ರಿಯಾಂಕಾ ಸುದ್ದಿಯಾಗಿದ್ದು ಅವರ ಆಕರ್ಷಕ ತುಟಿಗಳಿಗೆ ಮಾಡಿಸಿಕೊಂಡಿರುವ ಪ್ಲಾಸ್ಟಿಕ್ ಸರ್ಜರಿ ಮೂಲಕ.
ಇನ್ ಸ್ಟಾಗ್ರಾಂ ನಲ್ಲಿ ಪ್ರಿಯಾಂಕಾ ತುಟಿಗೆ ಕಡುಗೆಂಪು ಬಣ್ಣದ ಲಿಪ್ ಸ್ಟಿಕ್, ಕಣ್ಣಿಗೊಂದು ಗ್ಲಾಸ್ ಹಾಕಿಕೊಂಡಿರುವ ಫೋಟೋ ಅವನ್ನು ಅಪ್ ಲೋಡ್ ಮಾಡಿದ್ದು, ಇದು ಈಗ ಚರ್ಚೆಗೆ ಕಾರಣವಾಗುವುದರ ಜತೆಗೆ ಪ್ರೀಯಾಂಕಾ ಟ್ರೋಲ್ ಗಳಿಗೆ ಮತ್ತೆ ಆಹಾರವಾಗಿದ್ದಾರೆ.
ತಿಂಗಳ ಹಿಂದಷ್ಟೇ ಮೂಗಿಗೆ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿದ್ದ ಪ್ರಿಯಾಂಕಾ ಈ ಬಾರಿ ತುಟಿಗಳಿಗೆ ಸರ್ಜರಿ ಮಾಡಿಸಿಕೊಂಡು ಇನ್ನಷ್ಟು ವಿಭಿನ್ನವಾಗಿ ಕಾಣಿಸಿಕೊಂಡಿದ್ದಾರೆ. ಈ ಬಗ್ಗೆ ಹಲವರು ವಿವಿಧ ರೀತಿಯಲ್ಲಿ ಟೀಕೆಗಳನ್ನು ಮಾಡಿದ್ದಾರೆ. ಕೆಲವರು ’ಸರ್ಜರಿ ಸರಿಯಾಗಿಲ್ಲ' ಎಂದು ಕಮೆಂಟ್‌ ಮಾಡಿದ್ದಾರೆ. ಇನ್ನು ಕೆಲವರು ಪಿಗ್ಗಿಯನ್ನು ಪ್ಲಾಸ್ಟಿಕ್ ಬ್ಯೂಟಿ ಅಂತಾ ರೇಗಿಸಿದ್ದಾರೆ. ಇನ್ನು ಕೆಲವರು ತುಟಿಯನ್ನು ದೊಡ್ಡದಾಗಿಸಿಕೊಂಡು ವಿಶ್ವ ದಾಖಲೆ ಮಾಡುವ ಉತ್ಸುಕದಲ್ಲಿದ್ದೀರಾ ಎಂದು ಪ್ರಶ್ನಿಸಿದ್ದಾರೆ.
