ಪೃಥ್ವಿರಾಜ್ ಮೂಲಕ ಎದ್ದ ಬಾಲಿವುಡ್: ಚಿತ್ರಕ್ಕೆ ಭಾರೀ ಹೊಗಳಿಕೆ

ಮುಂಬೈ: ಅಕ್ಷಯ್ ಕುಮಾರ್ ನಾಯಕರಾಗಿರುವ ಬಾಲಿವುಡ್ ಸಿನಿಮಾ ಪೃಥ್ವಿರಾಜ್ ಇಂದು ಬಿಡುಗಡೆಯಾಗಿದ್ದು, ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ.

ಫಸ್ಟ್ ಶೋ ನೋಡಿದ ವೀಕ್ಷಕರು ಚಿತ್ರವನ್ನು ಅತ್ಯುತ್ತಮ ಎಂದು ಹೊಗಳಿದ್ದಾರೆ. ಹೀಗಾಗಿ ಈ ಸಿನಿಮಾ ಸೋತಿರುವ ಬಾಲಿವುಡ್ ಗೆ ಚೇತರಿಕೆ ನೀಡುವ ಲಕ್ಷಣ ಕಾಣುತ್ತಿದೆ.

ಸಾಮ್ರಾಟ್ ಪೃಥ್ವಿರಾಜ್ ನ ಹೋರಾಟ, ವೀರಾವೇಷ ಅದಕ್ಕೆ ತಕ್ಕ ಹಿನ್ನಲೆ ಸಂಗೀತ ಕ್ಲೈಮ್ಯಾಕ್ಸ್ ನಲ್ಲಿ ಪೃಥ್ವಿರಾಜ್ ಮಡಿಯುವ ಸನ್ನಿವೇಶಗಳು ಅದ್ಭುತವಾಗಿ ಮೂಡಿಬಂದಿದೆ. ಒಟ್ಟಾರೆ ಇದೊಂದು ದೃಶ್ಯವೈಭವ ಎಂದು ಫಸ್ಟ್ ಶೋ ವೀಕ್ಷಿಸಿದ ನೆಟ್ಟಿಗರು ಕೊಂಡಾಡಿದ್ದಾರೆ. ಅಕ್ಷಯ್ ಕುಮಾರ್ ಜೊತೆಗೆ ಮಾನುಷಿ ಚಿಲ್ಲಾರ್ ಈ ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದಾರೆ.