ಪದ್ಮಾವತಿ ಸಿನಿಮಾದಲ್ಲಿ ಅಭಿನಯಿಸೋದಿಲ್ಲವಂತೆ ಶಾರುಖ್ ಹಾಗೂ ಹೃತಿಕ್

ಅದ್ಯಾಕೋ ಗೊತ್ತಿಲ್ಲ ಸಂಜಯ್ ಲೀಲಾ ಬನ್ಸಾಲಿ ಅವರು ಪದ್ಮಾವತಿ ಸಿನಿಮಾ ಮಾಡ್ತಾರೆ ಅನ್ನೋ ವಿಚಾರ ಸುದ್ದಿಯಾಗೋದಕ್ಕಿಂತ  ಹೆಚ್ಚು ಸಿನಿಮಾದ ತಾರಗಣದ ಬಗ್ಗೆಯೇ ದಿನಕ್ಕೊಂದು ರೀತಿಯ ಮಾತುಗಳು ಕೇಳಿ ಬರುತ್ತಲೇ ಇದೆ.  ಈ ಹಿಂದೆ ಸಿನಿಮಾದಲ್ಲಿ ಶಾರುಖ್ ಖಾನ್, ಹೃತಿಕ್ ರೋಷನ್, ಶಾಹೀದ್ ಕಪೂರ್, ಫವಾದ್ ಖಾನ್  ಅಭಿನಯಿಸುತ್ತಾರೆ ಅನ್ನೋದು ಸುದ್ದಿಯಾಗಿತ್ತು.

ಆದ್ರೀಗ ಪದ್ಮಾವತಿ ಸಿನಿಮಾ ಕ್ಯಾಂಪ್ ನಿಂದ ಮತ್ತೊಂದು ಹೊಸ ಸುದ್ದಿ ಹೊರಬಿದ್ದಿದೆ.ದೀಪಿಕಾ ಪಡುಕೋಣೆ ಹಾಗೂ ರಣ್ ವೀರ ಸಿಂಗ್ ಅವರು ಮೂರನೇ ಬಾರಿಗೆ ಜೊತೆಯಾಗಿ ಅಭಿನಯಿಸುತ್ತಿರುವ ಸಿನಿಮಾ ಪದ್ಮಾವತಿ. ಇಬ್ಬರಿಗೂ ಸಂಜಯ್ ಲೀಲಾ ಬನ್ಸಾಲಿ ಅವರೊಂದಿಗೆ ಮೂರನೇ ಸಿನಿಮಾ.

ಈ ಹಿಂದೆ ಇಬ್ಬರೂ ಕೂಡ ಸಂಜಯ್ ಲೀಲಾ ಬನ್ಸಾಲಿ ಅವರ ಸಿನಿಮಾದಲ್ಲಿ ಅಭಿನಯಿಸಿದ್ದರು. ಅದಲ್ಲದೇ ಎರಡೂ ಸಿನಿಮಾದಲ್ಲೂ ರಣ್ ವೀರ್ ಸಿಂಗ್ ಅವರು ದೀಪಿಕಾ ಅವರ ಪತಿಯ ಪಾತ್ರವನ್ನು ನಿರ್ವಹಿಸಿದ್ದರು. ಆದ್ರೆ ಪದ್ಮಾವತಿ ಸಿನಿಮಾದಲ್ಲಿ ಪಾತ್ರ ರಣ್ ವೀರ್ ಸಿಂಗ್ ಅವರದ್ದು ವಿಭಿನ್ನ ಪಾತ್ರ.

ಇನ್ನು ಸಿನಿಮಾದಲ್ಲಿ ದೀಪಿಕಾ ಅವರ ಪತಿಯ ಪಾತ್ರವನ್ನು ಯಾರು ನಿರ್ವಹಿಸುತ್ತಾರೆ ಅನ್ನೋ ಬಗ್ಗೆ ಸಾಕಷ್ಟು ಹೆಸರುಗಳು ಕೇಳಿ ಬಂದಿದ್ದವು.ಅದರಂತೆ ಸಿನಿಮಾದಲ್ಲಿ ಖಿಲ್ಜಿ ಪಾತ್ರಕ್ಕೆ ಶಾರುಖ್ ಖಾನ್ ಹಾಗೂ ಹೃತಿಕ್ ರೋಷನ್ ಅವರ ಹೆಸರುಗಳು ಕೇಳಿ ಬಂದಿದ್ದವು.ಆದ್ರೀಗ ಅವರಿಬ್ಬರು ಸಿನಿಮಾದಲ್ಲಿ ಅಭಿನಯಿಸುತ್ತಿಲ್ಲ ಅನ್ನೋದು ಖಚಿತವಾಗಿದೆ.

ಇನ್ನು ಶಾಹೀದ್ ಕಪೂರ್ ಅವರು ದೀಪಿಕಾ ಪಡುಕೋಣೆ ಅವರ ಪತಿಯ ಪಾತ್ರವನ್ನು ನಿರ್ವಹಿಸುತ್ತಾರೆ ಅಂತಾ ಹೇಳಲಾಗಿತ್ತು.ಆದ್ರೆ ಇದೀಗ ಅವರು ಅಭಿನಯಿಸುತ್ತಾರೆ ಅನ್ನೋದು ಕೂಡ ಕನ್ಫರ್ಮ್ ಆಗಿಲ್ಲ, ಸದ್ಯ ದೀಪಿಕಾ ಪಡುಕೋಣೆ ಅವರ ಹೆಸರು ಮಾತ್ರ ಖಚಿತವಾಗಿದೆ ಅಷ್ಟೇ.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ