ಕತ್ರೀನಾ ಕೈಫ್ -ಆದಿತ್ಯ ರಾಯ್ ಕಪೂರ್ ಮಧ್ಯೆ ಲವ್ವಿ ಡವ್ವಿ

ರಣ್ಬೀರ್ ಕಪೂರ್ ಹಾಗೂ ಕತ್ರೀನಾ ಕೈಫ್ ಅವರು ಪರಸ್ಪರ ದೂರವಾಗಿದ್ದೇ ತಡ. ಅವರಿಬ್ಬರ ಹೆಸರುಗಳು ಬೇರೆ ಬೇರೆ ನಟ ನಟಿಯರ ಜೊತೆ ಥಳುಕು ಹಾಕಿಕೊಳ್ಳುತ್ತಲೇ ಇದೆ. ಕತ್ರೀನಾ ಕೈಫ್ ಅವರ ಹೆಸರು ಸಿದ್ಧಾರ್ಥ್ ಮಲ್ಹೋತ್ರಾ ಅವರ ಜೊತೆ ಸೇರಿಕೊಂಡ್ರೆ ಇನ್ನು ರಣ್ಬೀರ್ ಅವರ ಹೆಸರು ಮಾಡೆಲ್ ಒಬ್ಬರ ಜೊತೆ ಥಳುಕು ಹಾಕಿಕೊಂಡಿತ್ತು. ಇದೀಗ ಕ್ಯಾಟ್ ಹೆಸರು ಮತ್ತೊಬ್ಬ ನಟನೊಂದಿಗೆ ಥಳುಕು ಹಾಕಿಕೊಂಡಿದೆ.

ಆಶಿಕಿ-2 ಸಿನಿಮಾ  ಖ್ಯಾತಿಯ ನಟ ಆದಿತ್ಯ ರಾಯ್ ಕಪೂರ್ ಹಾಗೂ ಕತ್ರೀನಾ ಕೈಫ್ ಅವರು ಪರಸ್ಪರ ಡೇಟಿಂಗ್ ನಲ್ಲಿ ತೊಡಗಿದ್ದಾರೆ ಅನ್ನೋ  ವಿಚಾರ ಇದೀಗ ಬಾಲಿವುಡ್ ನಲ್ಲಿ ಗುಲ್ಲೆದ್ದಿದೆ. ಅಂದ್ಹಾಗೆ ಅಮೇರಿಕಾದಲ್ಲಿ ನಡೆಯಲಿರುವ ಡ್ರೀಮ್ ಟೀಮ್ ಕಾರ್ಯಕ್ರಮದಲ್ಲಿ ಆದಿತ್ಯ ಹಾಗೂ ಕ್ಯಾಟ್ ಜೊತೆಯಾಗಿ ಪರ್ಫಾಮೆನ್ಸ್ ನೀಡಲಿದ್ದಾರಂತೆ.

ಅದಕ್ಕಾಗಿ ಇಬ್ಬರೂ ಜೊತೆಯಾಗಿ ರಿಹರ್ಸಲ್ ಮಾಡುತ್ತಿದ್ದಾರೆ.ಆದ್ರೆ ಪ್ರಾಕ್ಟೀಸ್ ನಲ್ಲಿ ಇವರಿಬ್ಬರು ತುಂಬಾನೇ ಕ್ಲೋಸ್ ಆಗಿರುತ್ತಾರಂತೆ. ಅಲ್ಲದೇ ರಹಸ್ಯವಾಗಿ ಜೊತೆಯಾಗಿ ಕಾಣಿಸಿಕೊಳ್ಳುತ್ತಾರೆ ಅಂತಾ ಹೇಳಲಾಗುತ್ತಿದೆ.

ಇನ್ನು ಆದಿತ್ಯಾ ರಾಯ್ ಕಪೂರ್ ಅವರ ಹೆಸರು ಈ ಹಿಂದೆ ಶ್ರದ್ಧಾ ಕಪೂರ್ ಅವರ ಜೊತೋ ಥಳುಕು ಹಾಕಿಕೊಂಡಿತ್ತು. ಅಲ್ಲದೇ ಅವರಿಬ್ಬರು ಒಕೆ ಜಾನು ಸಿನಿ ಮಾದಲ್ಲಿ ಜೊತೆಯಾಗಿ ಅಭಿನಯಿಸುತ್ತಿದ್ದಾರೆ. ಇದೀಗ ಕ್ಯಾಟ್ ಜೊತೆ ಆದಿತ್ಯ ರಾಯ್ ಕಪೂರ್ ಹೆಸರು ಥಳುಕು ಹಾಕಿಕೊಂಡಿರೋದು ನೋಡಿದ್ರೆ ಮತ್ತೆ ಏನಾಗುತ್ತೋ ಅಂತಿದ್ದಾರೆ ಅಭಿಮಾನಿಗಳು.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ