ಆಶಿಕಿ 2 ಸಿನಿಮಾದಲ್ಲಿ ಮೋಡಿ ಮಾಡಿದ್ದ ಜೋಡಿ ಆದಿತ್ಯಾ ರಾಯ್ ಕಪೂರ್ ಹಾಗೂ ಶ್ರದ್ಧಾ ಕಪೂರ್ ಅವರು ಜೊತೆಯಾಗಿ ನಟಿಸುತ್ತಿರುವ ಸಿನಿಮಾ ಒಕೆ ಜಾನು. ತಮಿಳಿನ ಒಕೆ ಕಣ್ಮಣಿ ಸಿನಿಮಾದ ರಿಮೇಕ್ ಇದಾಗಿದ್ದು ಈಗಾಗಲೇ ಸಿನಿಮಾ ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟಿಹಾಕಿದೆ.
ಅಂದ್ಹಾಗೆ ಮೊನ್ನೆಯಷ್ಟೇ ಶ್ರದ್ಧಾ ಕಪೂರ್ ಹಾಗೂ ಆದಿತ್ಯಾ ರಾಯ್ ಕಪೂರ್ ಅವರು ಒಕೆ ಜಾನು ಸಿನಿಮಾ ಸೆಟ್ ನಲ್ಲಿ ಯಾವ ರೀತಿ ಎಂಜಾಯ್ ಮಾಡುತ್ತಿದ್ದಾರೆ ಅನ್ನೋದನ್ನು ಹೇಳಿದ್ದೆವು. ಇದೀಗ ಶ್ರದ್ಧಾ ಕಪೂರ್ ಅವರು ಸಿನಿಮಾ ತಂಡಕ್ಕೆ ಸ್ಪೆಷಲ್ ಪಾರ್ಟಿಯೊಂದನ್ನು ನೀಡಿದ್ದಾರೆ.
ಅದೇನಪ್ಪಾ ಅಂದ್ರೆ ಶ್ರದ್ಧಾ ತಮ್ಮ ಮನೆಯಿಂದಲೇ ಬೇರೆ ಬೇರೆ ರೀತಿಯ ಅಡುಗೆಗಳನ್ನು ಮಾಡಿ ಇಡೀ ತಂಡಕ್ಕೆ ನೀಡಿದ್ರಂತೆ.ಶ್ರದ್ಧಾ ಕಪೂರ್ ಅವರು ನಮಗೆ ಈ ರೀತಿಯ ಸಂಪ್ರೈಸ್ ನೀಡ್ತಾರೆ ಅಂತಾ ಸಿನಿಮಾ ತಂಡದವರು ಹೇಳೇ ಇರಲಿಲ್ಲವಂತೆ. ಅಂದ್ಹಾಗೆ ಶ್ರದ್ಧಾ ಕಪೂರ್ ಅವರೇ ಹೇಳಿ ಈ ಅಡುಗೆಗಳನ್ನು ಮಾಡಿಸಿದ್ರಂತೆ.
ಶ್ರದ್ಧಾ ಕಪೂರ್ ಅವರು ಸಿನಿಮಾತಂಡಕ್ಕೆಪಾರ್ಟಿ ನೀಡುವ ಮೊದಲು ತಮ್ಮ ಮನೆಯ ಅಡುಗೆ ಅವರಿಗೆಲ್ಲಾ ಇಷ್ಟವಾಗುತ್ತೋ ಇಲ್ವೋ ಅಂತಾ ತಲೆಕೆಡಿಸಿಕೊಂಡಿದ್ರಂತೆ.ಆದ್ರೆ ಊಟದ ಬಳಿಕ ಮನೆಗೆ ಖಾಲಿ ಬಾಕ್ಸ್ ಗಳು ಬಂದದ್ದು ನೋಡಿ ಶ್ರದ್ಧಾ ಅವರಿಗೆ ತುಂಬಾನೇ ಖುಷಿಯಾಯಿತಂತೆ.