ಮುಂಬೈ: ಬಾಲಿವುಡ್ ಬಾದ್ ಶಹಾ ಶಾರುಖ್ ಖಾನ್ ಗೆ ವಿಶ್ವದಾದ್ಯಂತ ಅಭಿಮಾನಿಗಳಿದ್ದಾರೆ. ಅಷ್ಟೊಂದು ಜನಪ್ರಿಯವಾಗಿರುವ ಶಾರುಖ್ ಖಾನ್ ಬಗ್ಗೆ ಯುರೋಪ್ ನ ಸುದ್ದಿ ವಾಹಿನಿಯೊಂದು ಎಡವಟ್ಟು ಸುದ್ದಿ ಪ್ರಸಾರ ಮಾಡಿದೆ.
ಶಾರುಖ್ ಖಾನ್ ಇನ್ನಿಲ್ಲ. ವಿಮಾನ ಅಪಘಾತದಲ್ಲಿ ಅಸುನೀಗಿದ್ದಾರೆ. ಅವರ ಜತೆ ಇನ್ನೂ ಆರು ಮಂದಿ ಮೃತಪಟ್ಟಿದ್ದಾರೆ ಎಂದು ಯುರೋಪ್ ನ ಪೈಸ್ ಟಿವಿ ಅಚಾತುರ್ಯದ ಸುದ್ದಿ ವರದಿ ಮಾಡಿತ್ತು.
ಅಸಲಿಗೆ ಶಾರುಖ್ ಖಾನ್ ಶೂಟಿಂಗ್ ಸೆಟ್ ನಲ್ಲಿ ಅಪಘಾತ ಸಂಭವಿಸಿತ್ತು. ಇದನ್ನು ಶಾರುಖ್ ವಿಮಾನ ಅಪಘಾತದಿಂದ ಪಾರಾದೆ ಎಂಬ ಅರ್ಥದಲ್ಲಿ ಬರೆದುಕೊಂಡಿದ್ದರು. ಅಸಲಿಗೆ ಸೆಟ್ ನಲ್ಲಿ ಸೀಲಿಂಗ್ ಕಳಚಿ ಬಿದ್ದು ಅವಘಡ ಸಂಭವಿಸಿತ್ತು. ಇದನ್ನೇ ಮಾಧ್ಯಮ ತಪ್ಪಾಗಿ ಅರ್ಥೈಸಿ ಈ ರೀತಿ ಎಡವಟ್ಟು ಮಾಡಿತ್ತು.
