ಕೌಶಲ್ ಕತ್ರಿನಾಗೆ ಪ್ರಪೋಸ್ ಮಾಡಲು ಬಳಸಿದ ಟ್ರಿಕ್ಸ್ ನೋಡಿ!

ನಟ ವಿಕ್ಕಿ ಕೌಶಲ ಮತ್ತು ನಟಿ ಕತ್ರೀನಾ ಕೈಫ್ ಮದುವೆಯಾಗುತ್ತಿದ್ದಾರೆ ಎಂಬ ವದಂತಿಗಳು ಹರಿದಾಡುತ್ತಿವೆ.

ಈ ಸುದ್ದಿ ನಿಜವೋ ಸುಳ್ಳೋ ಎಂದು ತಿಳಿಯಲು ಇಬ್ಬರ ಅಭಿಮಾನಿಗಳು ಕಾತರರಾಗಿದ್ದಾರೆ.
ಕತ್ರೀನಾ ಕೈಫ್ ಮತ್ತು ವಿಕ್ಕಿ ಕೌಶಲ್, ಮದುವೆಯಾಗುತ್ತಿದ್ದಾರೆ ಎಂಬ ವದಂತಿಯ ಮೂಲಕ ಸುದ್ದಿಯಲ್ಲಿದ್ದಾರೆ. ಅವರಿಬ್ಬರ ಮದುವೆಗೆ ಸಂಬಂಧಿಸಿದಂತೆ ಅಧಿಕೃತ ಮಾಹಿತಿ ಇಲ್ಲವಾದರೂ, ಡಿಸೆಂಬರ್ನಲ್ಲಿ ಈ ಮದುವೆ ನಡೆಯಲಿದೆ ಎಂಬ ವರದಿಗಳ ಬಗ್ಗೆ ಅಭಿಮಾನಿಗಳಲ್ಲಿ ತೀವ್ರವಾದ ಕೂತೂಹಲ ಮನೆ ಮಾಡಿದೆ. ಮದುವೆ ನಡೆಯುವ ಸ್ಥಳದಿಂದ ಹಿಡಿದು ವಧುವಿನ ವೇಷ ಭೂಷಣದ ವರೆಗೆ ಎಲ್ಲಾ ಮಾಹಿತಿಗಳ ಕುರಿತು ವರದಿಗಳು ಆರಂಭವಾಗಿವೆ.
ವಿಕ್ಕಿ ಕೌಶಲ್ ಮತ್ತು ಕತ್ರೀನಾ ಕೈಫ್ ಅವರ ಮದುವೆಯು , ಡಿಸೆಂಬರ್ 7 ರಿಂದ ಡಿಸೆಂಬರ್ 9 ರ ವರೆಗೆ, ರಾಜಸ್ಥಾನದ ರಣಥಂಭೋರ್ ರಾಷ್ಟ್ರೀಯ ಉದ್ಯಾನವನದಿಂದ , ಕೇವಲ 30 ನಿಮಿಷ ದೂರದಲ್ಲಿರುವ ಸವಾಯಿ ಮಾಧೋಪುರ್ನ ಸಿಕ್ಸ್ತ್ ಸೆನ್ಸ್ ಫೋರ್ಟ್ ಬರ್ವಾರ ರೆಸಾರ್ಟ್ ಎಂಬ ರೆಸಾರ್ಟ್ನಲ್ಲಿ ನಡೆಯಲಿದೆ. ವರ ಮತ್ತು ವಧು ಇಬ್ಬರೂ ಮದುವೆಯಲ್ಲಿ ಸಬ್ಯಸಾಚಿ ವಿನ್ಯಾಸದ ವಸ್ತ್ರಗಳನ್ನು ಧರಿಸಲಿದ್ದಾರೆ ಎಂಬ ವದಂತಿಗಳಿವೆ.