ಕಾಮಿಡಿ ಶೋನಲ್ಲಿ ಜಾನ್ ಅಬ್ರಹಾಂಗೆ ಕೋಪ ಬಂದಿದ್ದು ಯಾಕೆ?

ಮುಂಬೈ: ಬಾಲಿವುಡ್ ಸ್ಟಾರ್ ಜಾನ್ ಅಬ್ರಹಾಂಗೆ ಕೋಪ ಬಂದಿದೆಯಂತೆ. ಕಾಮಿಡಿ ನೈಟ್ಸ್ ಬಚಾವೋ ತಾಜಾ ಶೋನಲ್ಲಿ ಭಾಗವಹಿಸಿದ್ದ ಜಾನ್ ಅದರ ನಿರೂಪಕನ ಹಾಸ್ಯ ಇಷ್ಟವಾಗದೇ ಎದ್ದು ಹೋಗಿದ್ದಾರೆ.

ಈ ಕಾಮಿಡಿ ಶೋನಲ್ಲಿ ಜಾನ್ ಮತ್ತು ಸೊನಾಕ್ಷಿ ಸಿನ್ಹಾ ತಮ್ಮ ಹೊಸ ಚಿತ್ರ ಫೋರ್ಸ್ 2 ಪ್ರಚಾರಕ್ಕಾಗಿ ಆಗಮಿಸಿದ್ದರು. ಈ ನಡುವೆ ನಿರೂಪಕ ಕ್ರುಷ್ಣಾ ಅಭಿಷೇಕ್ ಜಾನ್ ಈ ಹಿಂದೆ ನಟಿಸಿದ್ದ ಪಾಪ್ ಚಿತ್ರದ ಬಗ್ಗೆ ಅಪಹಾಸ್ಯ ಮಾಡಿದರು. ಅದು ಅವರಿಗೆ ಇಷ್ಟವಾಗಲಿಲ್ಲ ಎನಿಸುತ್ತದೆ.

ನಂತರ ಸೊನಾಕ್ಷಿ ಜತೆಗೆ ವೇದಿಕೆಗೆ ಬಂದು ನೃತ್ಯ ಮಾಡುವಂತೆ ನಿರೂಪಕ ಕೇಳಿಕೊಂಡಾಗ ಜಾನ್ ಒಪ್ಪಲಿಲ್ಲ. ಮಾತ್ರವಲ್ಲ , ಮಾತಾಡದೇ ಎದ್ದು ಹೋದರು ಎಂದು ಸ್ವತಃ ಅಭಿಷೇಕ್ ಹೇಳಿಕೊಂಡಿದ್ದಾರೆ.  ಇದೀಗ ಜಾನ್ ಗೆ ಬೇಜಾರು ಮಾಡಿದ್ದಕ್ಕೆ ಅಭಿಷೇಕ್ ಮಂಡೆ ಬಿಸಿ ಮಾಡಿಕೊಂಡು ಕೂತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ