500,1000 ನೋಟು ನಿಷೇಧದ ಇಫೆಕ್ಟ್: ಕನ್ನಡ, ಹಿಂದಿ ಸಿನಿಮಾ ಬಿಡುಗಡೆ ಮುಂದಕ್ಕೆ

ನವದೆಹಲಿ: ಎಲ್ಲಾ ನೋಟಿನ ಮಹಿಮೆ. 500, 1000 ನೋಟುಗಳು ನಿಷೇಧವಾಗಿದ್ದೇ ತಡ. ದೇಶದಲ್ಲಿ ಎಲ್ಲಾ ಕೆಲಸಗಳೂ ಅಲ್ಲೋಲಕಲ್ಲೋವಾಗಿದೆ. ಇದು ಚಿತ್ರರಂಗಕ್ಕೂ ತಟ್ಟಿದ್ದು, ಈ ವಾರ ಬಿಡುಗಡೆಯಾಗಬೇಕಿದ್ದ ಕೆಲವು ಸಿನಿಮಾಗಳು ಮುಂದಕ್ಕೆ ಹೋಗಿದೆ.

ಕನ್ನಡ ಚಿತ್ರರಂಗದಲ್ಲಿ ಈ ವಾರ ಜಾನ್ ಜಾನಿ ಜನಾರ್ಧನ್ ಮತ್ತು ರಿಕ್ತ ಸಿನಿಮಾಗಳು ಬಿಡುಗಡೆಯಾಗಬೇಕಿತ್ತು. ಆದರೆ ಖರ್ಚಿಗೆ ಕಾಸಿಲ್ಲ. ಇನ್ನು, ಸಿನಿಮಾ ನೋಡಲು ಯಾರು ಬರ್ತಾರೆ? ಹೀಗಾಗಿ ಚಿತ್ರತಂಡಗಳು ತಮ್ಮ ಚಿತ್ರ ಬಿಡುಗಡೆ ಮಾಡದೇ ಇರಲು ನಿರ್ಧರಿಸಿದ್ದಾರೆ.

ಜಾನ್ ಜನಾರ್ಧನ್ ಚಿತ್ರ ಡಿಸೆಂಬರ್ 9 ಕ್ಕೆ ಬಿಡುಗಡೆಯಾಗಲಿದೆ. ರಿಕ್ತ ಬಿಡುಗಡೆ ಯಾವಾಗ ಎಂದು ಇನ್ನೂ ನಿಗದಿಯಾಗಿಲ್ಲ. ಇದು ಕನ್ನಡ ಚಿತ್ರರಂಗದಲ್ಲಿ ಮಾತ್ರವಲ್ಲ. ಬಾಲಿವುಡ್ ನ ರಜನೀಶ್ ದುಗ್ಗಲ್ ಅಭಿನಯದ ಸಾನ್ ಸೀನ್ ಚಿತ್ರ ಕೂಡಾ ಇದೇ ಕಾರಣಕ್ಕೆ ನಾಳೆ ಬಿಡುಗಡೆಯಾಗುತ್ತಿಲ್ಲ.

ಇದಲ್ಲದೆ ಬಿಗ್ ಬಜೆಟ್ ಸಿನಿಮಾ ರಾಕ್ ಆನ್ 2 ಕೂಡಾ ಇದೇ ವಾರಾಂತ್ಯಕ್ಕೆ ಬಿಡುಗಡೆಯಾಗಬೇಕಿದ್ದು, ಅದಕ್ಕೂ ನೋಟಿನ ಇಫೆಕ್ಟ್ ಆಗುವ ಸಾಧ್ಯತೆ ಇದೆ. ತೆಲುಗಿನಲ್ಲೂ ಅಲ್ಲರಿ ನರೇಶ್ ಅಭಿನಯದ ದೆಯ್ಯಮ್ ನಾಕೆಂ ಭಯಮ್ ಚಿತ್ರದ ಬಿಡುಗಡೆಯನ್ನೂ ಮುಂದೆ ಹಾಕುವ ಬಗ್ಗೆ ಚಿತ್ರ ತಂಡ ಚಿಂತನೆ ನಡೆಸುತ್ತಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ