ರಾಜಮೌಳಿ ಚಿತ್ರಕ್ಕೆ ಆಲಿಯಾ ಭಟ್ ಪಡೆದ ಸಂಭಾವನೆ ಎಷ್ಟು ಗೊತ್ತಾ?

ಬಾಹುಬಲಿ ಖ್ಯಾತಿಯ ನಿರ್ದೇಶಕ ರಾಜಮೌಳಿ ಚಿತ್ರದಲ್ಲಿ ನಟಿಸಲು ಖ್ಯಾತ ನಟಿಯರೇ ತುದಿಗಾಲಲ್ಲಿ ನಿಂತಿರುತ್ತಾರೆ. ರಾಜಮೌಳಿ ನಿರ್ದೇಶನದ ಆರ್‌ಆರ್‌ಆರ್ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾದ ಆಲಿಯಾ ಭಟ್ ಬರೋಬ್ಬರಿ 12 ಕೋಟಿ ರೂ.ಸಂಭಾವನೆ ಪಡೆದು ಟಾಲಿವುಡ್ ದಂಗುಪಡಿಸಿದ್ದಾರೆ.

ಬಾಲಿವುಡ್‌ನಲ್ಲಿ ಅನೇಕ ಹಿಟ್ ಚಿತ್ರಗಳಲ್ಲಿ ನಟಿಸಿರುವ ಆಲಿಯಾ ಭಟ್ ತಮ್ಮ ಖ್ಯಾತಿಗೆ ತಕ್ಕಂತೆ ಸಂಭಾವನೆ ಕೂಡಾ ಹೆಚ್ಚಿಸಿಕೊಂಡಿದ್ದಾರೆ ಎನ್ನಲಾಗುತ್ತಿದೆ. ರಾಝಿ ಚಿತ್ರದ ಸೂಪರ್ ಹಿಟ್ ನಂತ್ರ ಆಲಿಯಾ ಸಂಭಾವನೆ 9 ಕೋಟಿಯಿಂದ 12 ಕೋಟಿಗೆ ಜಂಪ್ ಆಗಿದೆ ಎನ್ನಲಾಗುತ್ತಿದೆ.

2012ರಲ್ಲಿ ಬಾಲಿವುಡ್‌ಗೆ ಕಾಲಿಟ್ಟ ಅಲಿಯಾ, ಕೇವಲ ಗ್ಲಾಮರ್​ ಗೊಂಬೆಯಾಗದೆ 'ರಾಝಿ' 'ಹೈವೆ', 'ಉಡ್ತಾ ಪಂಜಾಬ್'​ ಸೇರಿದಂತೆ ಸಾಕಷ್ಟು ಅಭಿನಯ ಪ್ರಧಾನ ಪಾತ್ರಗಳಿಂದಾಗಿ ತಾವೊಬ್ಬ ಅತ್ಯುತ್ತಮ ನಟಿ ಎನ್ನುವುದನ್ನು ಸಾಬೀತುಪಡಿಸಿದ್ದಾರೆ.