ಮುಂಬೈ : ಹಿಂದೊಮ್ಮೆ ಬಾಲಿವುಡ್ ನಟ ರಣಬೀರ್ ಕಪೂರ್ ಹಾಗೂ ನಟಿ ದೀಪಿಕಾ ಪಡುಕೋಣೆ ಅವರು ಒಬ್ಬರನೊಬ್ಬರು ಪ್ರೀತಿಸುತ್ತಿದ್ದು, ನಂತರ ಬ್ರೇಕ್ ಅಪ್ ಆದ ವಿಷಯ ಎಲ್ಲರಿಗೂ ತಿಳಿದೇ ಇದೆ. ಆದರೆ ಇವರಿಬ್ಬರ ರಿಲೇಶನ್ ಶಿಪ್ ಬ್ರೇಕ್ ಅಪ್ ಆಗಿ ಮೂರು ವರ್ಷ ಕಳೆದ ನಂತರ ಈಗ ಮತ್ತೆ ಈ ಜೋಡಿ ಒಂದಾಗುತ್ತಿದೆಯಂತೆ.
ಅಂದಮಾತ್ರಕ್ಕೆ ರಣಬೀರ್ ಕಪೂರ್ ಹಾಗೂ ನಟಿ ದೀಪಿಕಾ ಪಡುಕೋಣೆ ಇಬ್ಬರು ಒಂದಾಗುತ್ತಿದ್ದಾರೆ ಅಂದರೆ ಇವರ ನಡುವೆ ಲವ್ ಶುರುವಾಗಿದೆ ಅಂತ ಅಥವಾ ಯಾವುದೋ ಹೊಸ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ಎಂದರ್ಥವಲ್ಲ. ಬದಲಾಗಿ ಇವರಿಬ್ಬರು ಫ್ಯಾಶನ್ ಶೋವೊಂದರಲ್ಲಿ ಜತೆಯಾಗಿ ರ‍್ಯಾಂಪ್‌ ವಾಕ್‌ ಮಾಡಲಿದ್ದಾರಂತೆ.
ಹೌದು. ಫ್ಯಾಶನ್ ಡಿಸೈನರ್‌ ಮನಿಶ್‌ ಮಲ್ಹೋತ್ರಾ ಅವರು ಮುಂದಿನ ವಾರ ಫ್ಯಾಶನ್ ಶೋವೊಂದನ್ನು ಆಯೋಜಿಸಿದ್ದು, ಇದಕ್ಕೆ ಇಡೀ ಬಾಲಿವುಡ್ ತಾರೆಯರು ಆಗಮಿಸಲಿದ್ದಾರಂತೆ. ಅಲ್ಲಿ ರಣಬೀರ್ ಕಪೂರ್ ಹಾಗೂ ನಟಿ ದೀಪಿಕಾ ಪಡುಕೋಣೆ ಇಬ್ಬರು ಜತೆಯಾಗಿ ರ‍್ಯಾಂಪ್‌ ವಾಕ್‌ ಮಾಡಲಿದ್ದಾರಂತೆ. ಒಟ್ಟಿನಲ್ಲಿ ಇದೀಗ ಮೂರು ವರ್ಷಗಳ ಬಳಿಕ ಒಂದೇ ಸ್ಟೇಜ್ ಮೇಲೆ ಇವರಿಬ್ಬರನ್ನು ಕಣ್ತುಂಬಿಕೊಳ್ಳುವ ಭಾಗ್ಯ ಅವರ ಅಭಿಮಾನಿಗಳಿಗೆ ಸಿಗಲಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ