ನಿನ್ನೆ ಹೈದರಾಬಾದ್`ನ ರಾಜೀವ್ ಗಾಂಧಿ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ ಉದ್ಘಾಟನಾ ಸಮಾರಂಭದಲ್ಲಿ ಬಾಲಿವುಡ್ ನಟಿ ಆಮಿ ಜಾಕ್ಸನ್ ನೃತ್ಯ ಮಾಡಿದ್ದರು. ಓಂ ಶಾಂತಿ ಓಂ ಮತ್ತು ಕಲಾ ಚಶ್ಮಾ ಚಿತ್ರದ ಹಾಡಿಗೆ ಸೊಂಟ ಬಳುಕಿಸಿದ್ದರು. ಆದರೆ, ಆಮಿಯ ಈ ನೃತ್ಯ ಅಭಿಮಾನಿಗಳಿಗೆ ಖುಷಿ ಕೊಟ್ಟಿಲ್ಲ. ಆಮಿ ಜಾಕ್ಸನ್ ಪರ್ಫಾಮೆನ್ಸ್ ಅತ್ಯಂತ ಚಿಂತಾಜನಕವಾಗಿತ್ತು ಎಂಬ ಟೀಕೆಗಳು ಕೇಳಿಬಂದಿವೆ.
ಕಾರ್ಯಕ್ರಮ ಮುಗಿದ ಕೆಲವೇ ಕ್ಷಣಗಳಲ್ಲಿ ಆಮಿ ಜಾಕ್ಸನ್ ವಿರುದ್ಧ ಟ್ವೀಟರಾತಿಗಳು ಮುಗಿಬಿದ್ದಿದ್ದಾರೆ. ಕಠಿಣ ಟೀಕೆಗಳ ಸುರಿಮಳೆಗೈದಿದ್ದಾರೆ.
ಆಮಿ ಇನ್ಮೇಲೆ ಡ್ಯಾನ್ಸ್ ಮಾಡಬೇಡ, ನನ್ನ ನಾಯಿ ಆಮಿ ಜಾಕ್ಸನ್`ಗಿಂತಲೂ ಚೆನ್ನಾಗಿ ಡ್ಯಾನ್ಸ್ ಮಾಡುತ್ತೆ, ಆಮಿ ಡ್ಯಾನ್ಸ್ ನೋಡಿ 28 ಡ್ಯಾನ್ಸ್ ಅಕಾಡೆಮಿಗಳನ್ನ ಬಾಗಿಲು ಮುಚ್ಚಿದ ಮಾಲೀಕರು ಕಾಶಿಗೆ ಹೋದರಂತೆ ಎಂಬಿತ್ಯಾದಿ ವ್ಯಂಗ್ಯ ಟ್ವಿಟ್ ಮಾಡಿದ್ದಾರೆ.
ಇನ್ನೂ ಕೆಲವರು, ಆಮಿಗಿಂತಲೂ ಸನ್ನಿ ಡಿಯೋಲ್ ಚೆನ್ನಾಗಿ ಡ್ಯಾನ್ಸ್ ಮಾಡ್ತಾರೆ ಎಂದು ಟೀಕಿಸಿದ್ದಾರೆ.
