ಶ್ರೀ ರೆಡ್ಡಿ ಅರೆಬೆತ್ತಲೆ ಪ್ರತಿಭಟನೆಗೆ ಚಲನಚಿತ್ರ ಕಲಾವಿದ ಸಂಘದ ಪ್ರತಿಕ್ರಿಯೆ ಏನು ಗೊತ್ತಾ..?

ಹೈದರಾಬಾದ್ : ಕಾಸ್ಟಿಂಗ್ ಕೌಚ್ ವಿರೋಧಿಸಿ ಹಾಗೂ ಚಲನಚಿತ್ರ ಕಲಾವಿದ ಸಂಘಕ್ಕೆ ಸದಸ್ಯತ್ವ ನೀಡಬೇಕು ಹಾಗೂ ತೆಲುಗು ನಟಿಯರಿಗೆ ಟಾಲಿವುಡ್ ನಲ್ಲಿ ಹೆಚ್ಚಿನ ಅವಕಾಶ ನೀಡಬೇಕು ಎಂದು ಆಗ್ರಹಿಸಿ ನಟಿ ಶ್ರೀ ರೆಡ್ಡಿ ಅವರು ಶನಿವಾರ ಬೀದಿಯಲ್ಲಿ ಅರೆಬೆತ್ತಲೆಯಾಗಿ ಪ್ರತಿಭಟನೆ ಮಾಡಿರುವ ಹಿನ್ನಲೆಯಲ್ಲಿ ಇದೀಗ ಚಲನಚಿತ್ರ ಕಲಾವಿದ ಸಂಘ ಈ ಪ್ರತಿಭಟನೆಯ ಕುರಿತಾಗಿ ಪ್ರತಿಕ್ರಿಯೆ ನೀಡಿದೆ.

 ಈ ಬಗ್ಗೆ ಭಾನುವಾರ ಸಭೆ ಕರೆದು  ಎಲ್ಲರ ಜೊತೆ ಚರ್ಚೆ ನಡೆಸಿ ನಂತರ ಮಾಧ್ಯಮಗಳೊಂದಿಗೆ ಮಾತನಾಡಿದ ಚಲನಚಿತ್ರ ಕಲಾವಿದ ಸಂಘದ ಅಧ್ಯಕ್ಷ ಶಿವಾಜಿ ರಾಜ್‌ ಅವರು,’ ಶ್ರೀ ರೆಡ್ಡಿ ಪ್ರತಿಭಟನೆ ಎಲ್ಲರಿಗೂ ತೊಂದರೆ ನೀಡುತ್ತಿದೆ. ಆದಕಾರಣ ಅವರು ಸದಸ್ಯತ್ವ ಕೋರಿ ಸಲ್ಲಿಸಿದ್ದ ಅರ್ಜಿ ತಿರಸ್ಕರಿಸಿರುವುದಾಗಿ  ತಿಳಿಸಿದ್ದಾರೆ.

ಹಾಗೇ ಜನಪ್ರಿಯತೆ ಪಡೆಯಲು ಶ್ರೀ ರೆಡ್ಡಿ ಡ್ರಾಮಾ ಮಾಡುತ್ತಿದ್ದಾರೆ. ಸುಳ್ಳುಗಳನ್ನು ಹೇಳುತ್ತಿದ್ದಾರೆ. ಇವರಿಗೆ ತಮ್ಮ ಸಂಘದ 900 ಸದಸ್ಯರಲ್ಲಿ ಯಾರೂ ಕೂಡ ಬೆಂಬಲ ನೀಡುವುದಿಲ್ಲ. ಅವರ ಜತೆ ನಟಿಸುವುದಿಲ್ಲ. ಒಂದು ವೇಳೆ ಅವರ ಜತೆ ತೆರೆ ಹಂಚಿಕೊಂಡವರನ್ನು ಸಂಘದಿಂದ ಬಹಿಷ್ಕರಿಸುವುದಾಗಿ ಖಡಕ್ ಆಗಿ  ವಾರ್ನಿಂಗ್ ನೀಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ