ನಟಿ ಊರ್ವಶಿ ರೌತೇಲಾ ಐಫಾದಲ್ಲಿ ಧರಿಸಿದ್ದ ಡ್ರೆಸ್ ನ ತೂಕ ಎಷ್ಟು ಗೊತ್ತಾ. ಕೇಳಿದ್ರೆ ತಲೆ ಸುತ್ತುತ್ತೆ!

ಮುಂಬೈ :ಇತ್ತೀಚೆಗೆ ಸಾಮಾನ್ಯವಾಗಿ ಸಿನಿಮಾ ತಾರೆಯರು ಧರಿಸುವ ಡ್ರೆಸ್ ನ ಬೆಲೆಯ ಬಗ್ಗೆ ಹೆಚ್ಚು ಸುದ್ದಿಯಾಗುತ್ತಿತ್ತು, ಆದರೆ ಇದೀಗ ಬಾಲಿವುಡ್ ನಟಿಯೊಬ್ಬಳು ಧರಿಸಿರುವ ಡ್ರೆಸ್ ನ ತೂಕದ ಬಗ್ಗೆ  ಸುದ್ದಿಯಾಗಿದೆ.

ಹೌದು. ಬಾಲಿವುಡ್ ನಟಿ ಊರ್ವಶಿ ರೌತೇಲಾ ಐಫಾದಲ್ಲಿ ಧರಿಸಿದ್ದ ಡ್ರೆಸ್ ನ ತೂಕದ ಕುರಿತು ಈಗ ಬಾರೀ ಚರ್ಚೆಯಾಗುತ್ತಿದೆ. ಊರ್ವಶಿ ಐಫಾ ಪ್ರಶಸ್ತಿ ಪ್ರಧಾನ ಕಾರ್ಯಕ್ರಮದ ಮೊದಲ ದಿನ 80 ಕೆ.ಜಿ ತೂಕದ ಉಡುಗೆ ಧರಿಸಿದ್ದರಂತೆ. ಅರ್ಚನಾ ಕೋರ್ಚಾನ ಎಂಬುವವರು ಈ ಡ್ರೆಸ್ ನ್ನು ಡಿಸೈನ್ ಮಾಡಿದ್ದಾರಂತೆ.  ಸಾಮಾನ್ಯವಾಗಿ ಭಾರವಾದ ಡಿಸೈನ್ ಹೊಂದಿರುವ ಬಟ್ಟೆಗಳ ತೂಕ 10-25 ಕೆ.ಜಿಯೊಳಗಿರುತ್ತದೆ. ಆದರೆ ಈ ಡ್ರೆಸ್ ತೂಕ 80 ಕೆ.ಜಿ ಇದ್ದು, ಇದನ್ನು ಧರಿಸಿದ್ದ ನಟಿ ಊರ್ವಶಿ ರೌತೇಲಾ ಆರಾಮವಾಗಿ ತಿರುಗಾಡುತ್ತಿರುವುದನ್ನು ಕಂಡು ಅನೇಕರು ಆಶ್ಚರ್ಯಗೊಂಡಿದ್ದಾರೆ.

ಈ ಡ್ರೆಸ್ ಬಗ್ಗೆ ಮೊದಲೇ ಇನ್ಸ್ಟ್ರಾಗ್ರಾಮ್ ನಲ್ಲಿ ತಿಳಿಸಿದ ನಟಿ ಊರ್ವಶಿ ರೌತೇಲಾ ಅವರು,’ ನಾನು 80 ಕೆ.ಜಿ ತೂಕದ ಡ್ರೆಸ್ ಧರಿಸುತ್ತಿದ್ದೇನೆ. ಬಹುಷಃ ಪ್ರಜ್ಞೆ ತಪ್ಪುವ ಸಾಧ್ಯತೆಯಿದೆ’ ಎಂದಿದ್ದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ