ಮುಂಬೈ: ಶಾರುಖ್ ಖಾನ್ ಯಾರು ಅಕ್ಷಯ್ ಕುಮಾರ್ ಯಾರು ಎಂದು ಗೊತ್ತಿಲ್ಲದವರು ಯಾರಾದರೂ ಇದ್ದಾರ ಅಂತ ನೀವು ಹೇಳಬಹುದು. ಆದರೆ ಇವರಿಬ್ಬರ ರೂಪದಲ್ಲಿ ಸಾಮ್ಯತೆಯೂ ಇಲ್ಲ. ಹಾಗಿದ್ದರೂ ಅಭಿಮಾನಿಯೊಬ್ಬರು ಕನ್ ಫ್ಯೂಸ್ ಮಾಡಿಕೊಂಡ ಕತೆಯನ್ನು ಸ್ವತಃ ಶಾರುಖ್ ಹೇಳಿಕೊಂಡಿದ್ದಾರೆ.
ಇದು ನಡೆದಿದ್ದು 20 ವರ್ಷಗಳ ಹಿಂದೆ. ಶಾರುಖ್ ಒಮ್ಮೆ ಲಂಡನ್ ನಲ್ಲಿ ವಿಮಾನ ಏರಲು ವಿಳಂಬವಾಗುತ್ತಿದೆಯೆಂದು ಅವಸರದಲ್ಲಿದ್ದಾಗ ಒಬ್ಬ ಮಹಿಳಾ ಅಭಿಮಾನಿ ಅವರನ್ನು ತಡೆದರಂತೆ. ಆಗಿನ್ನೂ ಫೋಟೋ, ಸೆಲ್ಫಿ ಬಳಕೆಯಲ್ಲಿರಲಿಲ್ಲ. ಆ ಅಭಿಮಾನಿ ಶಾರುಖ್ ಬಳಿ ಆಟೋಗ್ರಾಫ್ ಪಡೆಯಲು ಚಿಕ್ಕ ಪೇಪರ್ ತುಣುಕನ್ನು ನೀಡಿದ್ದರಂತೆ.
ಆಗ ಸುಮ್ಮನೆ ಆ ಅಭಿಮಾನಿಯನ್ನು ಕೆಣಕುವ ಉದ್ದೇಶದಿಂದ ಶಾರುಖ್ ಅಕ್ಷಯ್ ಅಭಿನಯದ ಮೊಹ್ರಾ ಸಿನಿಮಾದ ತೂ ಚೀಸ್ ಬಡೀ ಹೇ ಹಾಡನ್ನು ಉಲ್ಲೇಖಿಸಿ ನನ್ನ ಅಭಿನಯದ ಆ ಹಾಡು ನಿಮಗೆ ಇಷ್ಟವಾಗಿರಬಹುದು ಎಂದರಂತೆ. ವಿಶೇಷವೆಂದರೆ ಅಭಿಮಾನಿ ಹೌದು. ನನಗೆ ತುಂಬಾ ಇಷ್ಟ ಎಂದು ಬಿಟ್ಟರಂತೆ! ಶಾರುಖ್ ಕೂಡಾ ಆಟೋಗ್ರಾಫ್ ಕೊಡುವಾಗ ತಮ್ಮ ಹೆಸರು ಬರೆಯುವ ಬದಲು ಅಕ್ಷಯ್ ಹೆಸರು ಬರೆದುಕೊಟ್ಟರಂತೆ!
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
