ಚೆಲುವಿನ ಖನಿ ಎನಿಸಿದ್ದ ಭಾಗ್ಯಶ್ರೀ ಸಲ್ಮಾನ್ ಖಾನ್ ಜೊತೆ ಸೂಪರ್ ಹಿಟ್ ಚಿತ್ರ ಮೈನೆ ಪ್ಯಾರ್ ಕಿಯಾ ಚಿತ್ರದಲ್ಲಿ ನಟಿಸಿದಾಗ, ಬಾಲಿವುಡ್ಗೆ ಚಿನ್ನದ ಬೆಡಗಿಯೊಬ್ಬಳು ಸಿಕ್ಕಿದಳು ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ ಈ ಪ್ರತಿಭಾನ್ವಿತ ನಟಿ ಅತ್ಯಲ್ಪ ಅವಧಿಯಲ್ಲಿಯೇ ಮದುವೆಯಾದಳು ಮತ್ತು ಸಾಕಷ್ಟು ಅವಧಿಯವರೆಗೂ ಚಿತ್ರರಂಗದಿಂದ ದೂರ ಉಳಿದಳು.
ಈಗ ಆಕೆ ಬಹು ದಿನಗಳ ನಿರೀಕ್ಷೆಯಂತೆ ಚಿತ್ರರಂಗಕ್ಕೆ ಮರಳಿದ್ದಾಳೆ. ಭೋಜ್ಪುರಿ ಸಿನಿಮಾದ ಮೂಲಕ. ಈ ಬಗ್ಗೆ ಆಕೆ ತಿಳಿಸುತ್ತಾ, ವೀಕ್ಷಕರಿಗಾಗಿ ನಾನೊಂದು ಚಿತ್ರವನ್ನು ಮಾಡಬೇಕೆಂದುಕೊಂಡಿದ್ದೆ. ಅವರು ತಮ್ಮ ಒತ್ತಡವನ್ನು ಸ್ವಲ್ಪ ಕಾಲವಾದರೂ ಮರೆಯುವಂತಾಗಬೇಕು. ಅಂತಹುದನ್ನು ಮಾಡುತ್ತಿದ್ದೇನೆ. ಇದು ಪೂರ್ಣ ಮನರಂಜನೆಯ ಚಿತ್ರವಾಗಿದೆ ಎಂದು ಅವರು ಹೇಳಿದರು.
ಈ ಹಿಂದೆಯೂ ಆಕೆ ಭೋಜ್ಪುರಿ ಚಿತ್ರದಲ್ಲಿ ನಟಿಸಿದ್ದರು. ಆದರೆ ಇದು ವಿಶೇಷವಾದುದು. ಏಕೆಂದರೆ ಇದು ಅವರ ಸ್ವಂತ ನಿರ್ಮಾಣದ ಚಿತ್ರ ಮಾತ್ರವಷ್ಟೇ ಅಲ್ಲ, ಅವರು ಈ ಚಿತ್ರಕ್ಕೆ ಚಿತ್ರಕತೆಯನ್ನು ಸಹ ಬರೆದಿದ್ದಾರೆ.
ನಿಮ್ಮ ಮುಂದಿನ ನಟನೆ ಬಾಲಿವುಡ್ನಲ್ಲಿಯೇ ಎಂದರೆ ಹೌದು ಎನ್ನುತ್ತಾರೆ ಆಕೆ. ನಾನು ಅನಂತ್ ಮಹದೇವನ್ರ ಚಿತ್ರದಲ್ಲಿ ಸುನಿಲ್ ಶೆಟ್ಟಿ ಜೊತೆ ರೆಡ್ ಅಲರ್ಟ್ ಎನ್ನುವ ಚಿತ್ರದಲ್ಲಿ ನಟಿಸುತ್ತಿದ್ದೇನೆ. ಈ ತಿಂಗಳಲ್ಲಿಯೇ ಚಿತ್ರ ಆರಂಭವಾಗುತ್ತದೆ. ಇನ್ನೂ ಎರಡು ಯೋಜನೆಗಳಿದ್ದು, ಚಿತ್ರೀಕರಣ ಪೂರ್ಣಗೊಂಡ ನಂತರ ಅವುಗಳ ಚಿತ್ರೀಕರಣ ಆರಂಭಿಸುತ್ತೇನೆ ಎನ್ನುತ್ತಾಳೆ ಆಕೆ.
