ಬಿಪಾಶಾ, ಸಮೀರಾ, ಕತ್ರಿನಾರಿಂದ 'ರೇಸ್'!

IFM

ಅಬ್ಬಾಸ್-ಮಸ್ತಾನ್ ಅವರ ಮುಂದಿನ ಚಿತ್ರ 'ರೇಸ್'ನಲ್ಲಿ ಒಬ್ಬರಲ್ಲ, ಮೂವರು 'ಹಾಟ್' ನಾಯಕಿಯರು ತಮ್ಮ ತಮ್ಮ ಪ್ರತಿಭಾ ಪ್ರದರ್ಶನ ಮಾಡಲಿದ್ದಾರೆ! ಬಿಪಾಶಾ ಬಸು, ಸಮೀರಾ ರೆಡ್ಡಿ ಮತ್ತು ಕತ್ರಿನಾ ಕೈಫ್ ಅವರನ್ನು ಒಂದೇ ಚಿತ್ರದಲ್ಲಿ ನೋಡುವ ಅವಕಾಶ ದೊರೆತಿರುವುದು ಚಿತ್ರ ರಸಿಕರ ನಿರೀಕ್ಷೆ ಹೆಚ್ಚಿಸಿದೆ.

ಒಂದೇ ಚಿತ್ರದಲ್ಲಿ ಮೂವರೂ ನಟಿಸುತ್ತಿದ್ದರೂ ಈ ನಟೀಮಣಿಯರಿಗೆ ಪರಸ್ಪರ ಮಾತಿಲ್ಲ-ಕಥೆಯಿಲ್ಲವಂತೆ. ಆದರೆ ಮೂವರು ನಾಯಕರಾದ ಅನಿಲ್ ಕಪೂರ್, ಅಕ್ಷಯ್ ಕುಮಾರ್ ಮತ್ತು ಸೈಫ್ ಆಲಿ ಖಾನ್ ಅವರು ಪರಸ್ಪರ ಜೋಕ್ ಮಾಡುತ್ತಾ, ನಗು ನಗುತ್ತಾ ಬೆರೆಯುತ್ತಿದ್ದರೆ, ನಾಯಕಿಯರಂತೂ ಮೌನ ಮೌನ ಮೌನ...

ತಾನು ಮತ್ತು ಕತ್ರಿನಾ ಪರಸ್ಪರ ಮಾತುಕತೆ ನಡೆಸುತ್ತಿಲ್ಲ ಎಂಬುದನ್ನು ಬಿಪಾಶಾ ಒಪ್ಪುತ್ತಾರೆ. ಜಾನ್ ಅಬ್ರಹಾಂ ಮತ್ತು ಸಲ್ಮಾನ್ ಖಾನ್ ಕೂಡ ಪರಸ್ಪರರನ್ನು ಇಷ್ಟಪಡುವುದಿಲ್ಲ, ಬಹುಶಃ ಇದಕ್ಕಾಗಿಯೇ ಬಿಪಾಶಾ ಮತ್ತು ಕತ್ರಿನಾ ಕೂಡ ಪರಸ್ಪರ ಮಾತನಾಡಲು ಇಷ್ಟಪಡುತ್ತಿಲ್ಲ ಎಂಬ ಗುಸುಗುಸು ಬಾಲಿವುಡ್ ಲೋಕದಲ್ಲಿದೆ.

ನಾಯಕಿಯರ ಈ ಮೌನ ವ್ರತವು ಅಬ್ಬಾಸ್-ಮಸ್ತಾನ್ ಅವರಿಗೆ ಶೂಟಿಂಗ್ ನಡೆಸುವಾಗ ತುಂಬಾನೇ ಸಮಸ್ಯೆ ತಂದೊಡ್ಡಿದೆ ಅಂತ ಮೂಲಗಳು ತಿಳಿಸಿವೆ. ಈ ಚಿತ್ರವು ಮಾರ್ಚ್ 21ರಂದು ತೆರೆ ಕಾಣಲಿದೆ.