ಪಿಂಕಿಗೆ ಅವಳಿಫ್ಲಾಟ್ ಯಾಕೆ?

ಪ್ರಿಯಾಂಕಾ ಚೋಪ್ರಾ ಈಗ ಅವಳಿ ಫ್ಲಾಟ್ ಹೊಂದಿದ್ದಾಳೆ. ಒಂದಕ್ಕೊಂದು ಸಂಪರ್ಕವಿರುವ ಫ್ಲಾಟ್‌ಗಳಲ್ಲಿ ಒಂದರಲ್ಲಿ ಆಕೆಯ ಹೆತ್ತವರು, ಇನ್ನೊಂದರಲ್ಲಿ ಆಕೆಯ ಒಂಟಿ ಜೀವನ... ಹೀಗೇಕೆ?

ಇಂತಹ ಪ್ರಶ್ನೆಗೆ ನಮ್ಮ ಪಿಂಕಿ... ಹಾಂ, ಪ್ರಿಯಾಂಕಾ ಚೋಪ್ರಾ ಉತ್ತರ ನೀಡುವುದು ಹೀಗೆ: ನನಗೆ ಹೆತ್ತವರ ಪ್ರೀತಿಯೂ ಬೇಕು, ಇದೇ ವೇಳೆ ನನ್ನ ಬದುಕಿನ ಖಾಸಗಿತನವೂ ಬೇಕು. ಇದಕ್ಕಾಗಿ ಅವಳಿ ಫ್ಲಾಟ್ ಹೊಂದಿದ್ದೇನೆ.

ಆಕೆ ತನ್ನ ಹೊಸ ಮನೆ ನಿರ್ಮಾಣಕ್ಕಾಗಿ ಎಷ್ಟೊಂದು ಆಸಕ್ತಿ ವಹಿಸಿದ್ದರೆಂದರೆ , ಹೊಸ ಚಿತ್ರಗಳನ್ನು ನಿರಾಕರಿಸಿದ್ದರು. ಇದೀಗ ಮನೆ ಅಂತಿಮ ಹಂತದಲ್ಲಿದೆ. ದೀಪಾವಳಿ ವೇಳೆಗೆ ಸಿದ್ಧವಾಗಲಿದೆ. ಆದರೆ ಎರಡು ವಿಭಾಗ ಅಷ್ಟೇ.

ಈ ಅವಳಿ ಫ್ಲಾಟ್ಗಳಿರುವ ಮನೆಯಲ್ಲಿ ಒಂದರಲ್ಲಿ ಆಕೆಯ ಒಂಟಿ ಬದುಕು, ಇನ್ನೊಂದರಲ್ಲಿ ತಾಯ್ತಂದೆ, ಬಂದುಗಳ ಬದುಕು ಸಾಗುತ್ತದಂತೆ. ನನಗೆ ತಾಯ್ತಂದೆಯರೂ ಬೇಕು, ಏಕಾಂತತೆಯೂ ಬೇಕು, ಇದಕ್ಕಾಗಿ ಈ ವಿನ್ಯಾಸದ ಅವಳಿ ಫ್ಲಾಟ್‌ಗಳ ಮನೆ ಹೊಂದಿದ್ದೇನೆ ಎಂದವರು ಹೇಳುತ್ತಾರೆ.