"ದಿಲ್ಲಿ 6" ಬಳಿಕ "ಬಾಂಬೆ 7"
Publish Date: Fri, 09 Nov 2007 (16:25 IST)
Updated Date: Fri, 09 Nov 2007 (16:24 IST)
ಇದು ವಿಚಿತ್ರವಾಗಿ ಕಾಣಿಸಬಹುದು. ಆದರೆ "ದಿಲ್ಲಿ 6"ಚಿತ್ರದ ಬಳಿಕ ಈಗ ಇನ್ನೊಂದು ಚಿತ್ರ "ಬಾಂಬೆ 7" ಬೆಳ್ಳಿತೆರೆಯ ಮೇಲೆ ವಿಜೃಂಭಿಸಲಿದ್ದು, ಬಂಟಿ ವಾಲಿಯ ಪ್ರೊಡಕ್ಷನ್ಸ್ ನಿರ್ಮಾಣ ಮಾಡಲಿದೆ. ಬಂಟಿ ವಾಲಿಯ ಪ್ರೊಡಕ್ಷನ್ಸ್ ಬಿಸಿನೆಸ್ ಮ್ಯಾನೇಜರ್ ಜತೆ ಮಾತನಾಡಿದಾಗ ತಾವು ಬಾಂಬೆ 7 ಚಿತ್ರ ತಯಾರಿಸುತ್ತಿರುವುದು ನಿಜವೆಂದು ದೃಢಪಡಿಸಿದರು.ಜಾಹೀರಾತು ಚಿತ್ರ ನಿರ್ಮಾಪಕ ಕೀತು ಘೋಷ್ ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರೆಂದು ಹೇಳಿದರು. ಲಾರಾ ದತ್ತ ಮತ್ತು ಸಚಿನ್ ತೆಂಡೂಲ್ಕರ್ ಜತೆ ಅವರು ಜಾಹೀರಾತು ಚಿತ್ರಗಳಲ್ಲಿ ಈ ಮುಂಚೆ ದುಡಿದಿದ್ದರು. ಚಿತ್ರದ ಬಗ್ಗೆ ಮಾತನಾಡಿದ ಅವರು, ಬಾಂಬೆ 7 ಥ್ರಿಲ್ಲರ್ ಮತ್ತು ಪ್ರೇಮಕಥೆಯಾಗಿದ್ದು, ಮುಂಬೈನ ಪಿನ್ ಕೋಡ್ 7 ಪ್ರದೇಶವಾದ ಮೊಹಮದ್ ಅಲಿ ಬೀದಿಯ ಆಧಾರದ ಮೇಲೆ ಕತೆ ಸೃಷ್ಟಿಸಲಾಗಿದೆ. ಮೂರು ಮುಖ್ಯ ಪಾತ್ರಗಳ ಸುತ್ತ ಕತೆ ಸುತ್ತುತ್ತದೆ. ಪಾತ್ರವರ್ಗದ ಬಗ್ಗೆ ಅವರನ್ನು ಪ್ರಶ್ನಿಸಿದಾಗ , ಪಾತ್ರವರ್ಗದಲ್ಲಿರುವವರು ಹೊಸಬರಲ್ಲ. ಆದರೆ ಉದ್ಯಮದ ಅನುಭವಿ ನಟರು. ಒಬ್ಬರು ನಾಯಕಿ ಮತ್ತು ಇಬ್ಬರು ನಾಯಕಿಯರಿರುತ್ತಾರೆ. ಚಿತ್ರಕಥೆಯು ಮುಂಬೈ ಪ್ರದೇಶವನ್ನು ಆಧಾರವಾಗಿಟ್ಟುಕೊಳ್ಳುವುದರಿಂದ ಅದರಲ್ಲಿ ವಿದೇಶಿ ಸ್ಥಳಗಳ ಚಿತ್ರೀಕರಣ ಇರುವುದಿಲ್ಲ ಎಂದು ಅವರು ಹೇಳಿದರು. ದಿಲ್ಲಿ 6 ಟೈಟಲ್ನಿಂದ ಸ್ಫೂರ್ತಿ ಪಡೆದು ಬಾಂಬೆ 6 ಹೆಸರು ಇಡಲಾಗಿದೆಯೇ ಎಂದು ಅವರನ್ನು ಪ್ರಶ್ನಿಸಿದಾಗ ಅವರು ಇಲ್ಲವೆಂದು ನುಡಿದರು. ತಾವು ಬಾಂಬೆ 7 ಟೈಟಲ್ ನೋಂದಣಿ ಮಾಡಿದ ಬಳಿಕವೇ ದಿಲ್ಲಿ 6 ಚಿತ್ರದ ಬಗ್ಗೆ ತಿಳಿಯಿತು. ದಿಲ್ಲಿ 6 ಟೈಟಲ್ ಹೆಸರು ನಮ್ಮನ್ನು ಚಕಿತಗೊಳಿಸಿತು ಎಂದು ಅವರು ಹೇಳಿದರು.
