ಡೆಲ್ಲಿ 6ನಲ್ಲಿ ಸೋನಂ ಕಪೂರ್

ಸಂಜಯ್ ಲೀಲಾ ಬನ್ಸಾಲಿ ಅವರ ಸಾವರಿಯ ಚಿತ್ರದ ಮೂಲಕ ಬಾಲಿವುಡ್ ಗ್ಲಾಮರಸ್ ವೃತ್ತಿಗೆ ಪ್ರೇವೇಶ ಮಾಡಿದ್ದ ಸೋನಂ ಕಪೂರ್, ರಂಗದೇ ಬಸಂತಿ ಖ್ಯಾತಿಯ ರಾಕೇಶ್ ಮೆಹ್ರಾ ಅವರ ಡೆಲ್ಲಿ 6 ನಲ್ಲಿ ನಟಿಸುವ ಅವಕಾಶವನ್ನು ಪಡೆದುಕೊಂಡಿದ್ದಾರೆ.

ತನ್ನ ಮೊದಲ ಚಿತ್ರ ಸಾವರಿಯಾ ಬಿಡುಗಡೆಗೊಳ್ಳುವ ಮೊದಲೇ ಸೋನಂ ಡೆಲ್ಲಿ 6 ಚಿತ್ರದಲ್ಲಿ ಅವಕಾಶವನ್ನು ಪಡೆದಿದ್ದಾರೆ. ಅನಿಲ್ ಕಪೂರ್ ಮತ್ತು ಸೋನಂ ಜೊತೆಯಾಗಿ ಚಿತ್ರದ ಕಥೆಯನ್ನು ಕೇಳಿ ನಂತರ ಒಪ್ಪಿಗೆ ಸೂಚಿಸಿದ್ದರು. ಈ ಚಿತ್ರದಲ್ಲಿ ಸೋನಂ ಅವರು ಅಭಿಷೇಕ್ ಬಚ್ಚನ್‌ನ ಅಭಿಮುಖ ಜೋಡಿಯಾಗಿ ಅಭಿನಯಿಸಲಿದ್ದಾರೆ. ಇಷ್ಟರವರೆಗೆ ಡೆಲ್ಲಿ 6 ಚಿತ್ರವು ಸುಮಾರು ಏಳು ನಾಯಕರನ್ನು ಬದಲಿಸುತ್ತಾ ಬಂದಿದೆ. ಅಲ್ಲದೆ ಈ ವಾರ ಎರಡು ಕಲಾವಿದರು ಅಧಿಕೃತವಾಗಿ ಸಹಿ ಹಾಕಿದ್ದಾರೆ.

ಯುಟಿವಿ ಮತ್ತು ರಾಕೇಶ್ ಓಪ್ರಕಾಶ್ ಮೆಹ್ರಾ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದು ಚಿತ್ರದ ಮೊದಲನೇ ಹಂತವು ಮುಂದಿನ ತಿಂಗಳು ಪ್ರಾರಂಭವಾಗಲಿದೆ.