ಗುಲಾಬಿ ಗ್ಯಾಂಗ್ ಗಾಗಿ ಗ್ಲಾಮಿ ಮಾಧುರಿ ಕುಂಗ್ ಫು ಕಲಿಕೆ !
, ಗುರುವಾರ, 30 ಜನವರಿ 2014 (09:31 IST)
ಸಾಮಾನ್ಯವಾಗಿ ಸಿನಿ ಪ್ರಿಯರಿಗೆ ಮಾಧುರಿ ದೀಕ್ಷಿತ್ ಹೆಸರು ಕೇಳಿದ ತಕ್ಷಣ ನೆನಪಿಗೆ ಬರುವುದು ಆಕೆಯ ನರ್ತನ. ಅದರಲ್ಲೂ 1990 ರ ದಶಕದಲ್ಲಿ ಆಕೆ ಬಾಲಿವುಡ್ ರಾಣಿ ಆಗಿದ್ದರು. ಈಗ ಅವರು ಮದುವೆ ಆಗಿ ಎರಡು ಮಕ್ಕಳ ತಾಯಿ. ಆದರು ಅವರ ಹೊಳಪು ಮಾಸಿಲ್ಲ. ಅಂದಂಗೆ ಈಕೆ ತಮ್ಮ ಹೊಸ ಚಿತ್ರ ಗುಲಾಬಿ ಗ್ಯಾಂಗ್ ಗೆಂದು ಕತ್ತಿವರಸೆ ಮತ್ತು ಕುಂಗ್ ಫೂ ಗಳನ್ನು ಕಲಿತಿದ್ದಾರೆ.
ಈ ಮುಖಾಂತರ ಆ ಚಿತ್ರಕ್ಕೆ ವಿಶೇಷವಾದ ಗಮನ ನೀಡುತ್ತಿದ್ದಾರೆ ಎನ್ನುವುದು ಇಲ್ಲಿ ಸ್ಪಷ್ಟ. ಹಿಂದೆ ಈಕೆಯ ಜೊತೆ ನಂಬರ್ ಒನ್ ಸ್ಥಾನಕ್ಕೆ ಪೈಪೋಟಿ ನಡೆಸಿದ್ದ ನಟಿ ಜೂಹಿ ಚಾವ್ಲ ಸಹ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಆದರೆ ಖಳನಟಿಯಾಗಿ ಈ ಚಿತ್ರದಲ್ಲಿ ಕಾಣ ಸಿಗುತ್ತಿದ್ದಾರೆ. ಈ ಚಿತ್ರದ ವಿಶೇಷತೆಗಳಲ್ಲಿ ಇದು ಸಹ ಒಂದಾಗಿದೆ ಎಂದೇ ಹೇಳ ಬಹುದಾಗಿದೆ. ಬುಂದೇಲ್-ಖಂಡ್ ಪ್ರಾಂತ್ಯದಲ್ಲಿ ಇರುವ ಕೆಲವು ಮಂದಿ ಮಹಿಳೆಯರನ್ನು ಸ್ಫೂರ್ತಿಯಾಗಿಟ್ಟುಕೊಂಡು ಈ ಸಿನೆಮಾ ಸಿದ್ಧ ಮಾಡಲಾಗಿದೆ.
