ಗಾಯಕನಾದ ಹೃತಿಕ್

ಹೃತಿಕ್ ರೋಶನ್ ಅಭಿಮಾನಿ ಬಳಗಕ್ಕೆ ಈಗ ಅವನನ್ನು ಆರಾಧಿಸಲು ಇನ್ನೊಂದು ಕಾರಣ ದೊರಕುತ್ತಿದೆ. ತನ್ನ ನೃತ್ಯದ ಮೂಲಕ ದೇಶದೆಲ್ಲಡೆ ಪುಳಕ ಹುಟ್ಟಿಸಿದ ಹೃತಿಕ್ ತನ್ನ ಮುಂಬರುವ ಚಿತ್ರ 'ಕೈಟ್ಸ್‌'ನಲ್ಲಿ ಗಾಯಕನಾಗಿ ತನ್ನ ಸ್ವರ ಮಾಧುರ್ಯದ ಮಾಂತ್ರಿಕತೆ ಪರೀಕ್ಷಿಸಲಿದ್ದಾನೆ.

ಈ ಮೊದಲು ತಮ್ಮ ಚಿತ್ರಕ್ಕೆ ಹಿನ್ನೆಲೆ ಸಂಗೀತಗಾರರಾದ ಬಿಗ್ ಬಿ, ಅಮೀರ್, ಶಾರುಖ್, ಸಂಜಯ್ ಮತ್ತಿತರ ಬಿ-ಟೌನ್ ಬಾಪ್‌ಗಳಕೂಟಕ್ಕೆ ಸೇರಿಕೊಳ್ಳುತ್ತಿರುವ ಹೃತಿಕ್ ಚಿತ್ರದಲ್ಲಿ ಬಹಳಷ್ಟು ಹಾಡುಗಳನ್ನು ಹಾಡಿದ್ದಾನೆ. ಈ ಗೀತೆಗಳು ಇಂಗ್ಲಿಷ್‌ನಲ್ಲಿವೆ ಎಂದು ಪತ್ರಿಕೆಯೊಂದು ಮಾಹಿತಿಯನ್ನು ಹೊರಗೆಡಹಿದೆ.

ರಾಕೇಶ್ ರೋಶನ್‌ರ ಚಿತ್ರ ಸಂಸ್ಥೆಯಡಿಯಲ್ಲಿ ನಿರ್ಮಾಣವಾಗುತ್ತಿರುವ ಚಿತ್ರ 'ಕೈಟ್ಸ್' ಅನುರಾಗ್ ಬಸು ಅವರಿಂದ ನಿರ್ದೇಶಿತವಾಗಲಿದೆ. ಲ್ಯಾಟಿನ್ ನಟಿ ಬಾರ್ಬರಾ ಮೋರಿ ಹೃತಿಕ್‍ಗೆ ನಾಯಕಿ. ಕಂಗನಾ ರಾಣಾವತ್ ಸಹ ತಾರಗಣದಲ್ಲಿದ್ದಾರೆ.

ಈ ಮೊದಲು ಬಾಲಿವುಡ್‌ಗೆ ಹೃತಿಕ್‌ನನ್ನು ನಟನಾಗಿ ಪರಿಚಯಿಸಿದ್ದು ತಂದೆ ರೋಶನ್, ಈಗ ಮತ್ತೆ ತಮ್ಮದೇ ಚಿತ್ರ ಸಂಸ್ಥೆಯಡಿಯಲ್ಲಿ ಮಗನನ್ನು ಗಾಯಕನನ್ನಾಗಿಸಿ ಎಂಟ್ರಿ ಕೊಡಿಸುತ್ತಿದ್ದಾರೆ. ರಾಕೇಶ್ ರೋಶನ್ ಮತ್ತೊಮ್ಮೆ ತಮ್ಮ ಮಗನಿಗೆ ಶುಭಪ್ರದರಾಗುತ್ತಾರೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ.