Publish Date: Mon, 08 Sep 2008 (15:56 IST)
Updated Date: Mon, 08 Sep 2008 (15:55 IST)
ಹಿಟ್ ಚಿತ್ರಗಳ ಎರಡನೇ ಭಾಗ ತಯಾರಿಸುವುದು ಬಾಲಿವುಡ್ನಲ್ಲೀಗ ಚಾಲ್ತಿಯಲ್ಲಿರುವ ಟ್ರೆಂಡ್. ಈ ಬಾರಿ ಮಿ. ಪರ್ಫೆಕ್ಷನಿಸ್ಟ್ ಎಂದು ಕರೆಯಲ್ಪಡುವ ಬಾಲಿವುಡ್ ಸೂಪರ್ ಸ್ಟಾರ್ ಅಮೀರ್ ಇಂತಹುದೇ ಒಂದು ಯೋಚನೆ ಹೊಂದಿದ್ದಾರೆ, ಇಂದಿನವರೆಗೂ ಅತ್ಯುತ್ತವೆನಿಸಿರುವಂತಹ ಹಾಸ್ಯ ಚಿತ್ರವಾದ 'ಅಂದಾಜ್ ಅಪನಾ ಅಪನಾ'ದ ಎರಡನೇ ಭಾಗವನ್ನು ಚಿತ್ರೀಕರಿಸಿಬೇಕೆಂದು ಅಮೀರ್ ಯೋಜಿಸಿದ್ದಾರಂತೆ.
ಈ ಚಿತ್ರವು ಅತಿ ಹೆಚ್ಚು ಜನಮನ್ನಣೆಗೆ ಪಾತ್ರವಾದ ಅಮೀರ್ ಚಿತ್ರಗಳಲ್ಲಿ ಒಂದಾಗಿದ್ದು, ಇಂದಿಗೂ ಜನರ ಅಚ್ಚುಮೆಚ್ಚಿನ ಚಿತ್ರವಾಗಿ ಉಳಿದಿದೆ. ಮೂಲಗಳನ್ನು ನಂಬುವುದಾದರೆ ಈ ಚಿತ್ರದ ಉತ್ತರಾರ್ಧ ನಿರ್ಮಿಸುವ ಬಗೆಗಿನ ವಿವರಗಳನ್ನು ಅಮೀರ್ ಸಧ್ಯದಲ್ಲೇ ಬಹಿರಂಗಪಡಿಸಿಲಿದ್ದಾರೆ.
ಹಾಗದರೆ, ಚಿತ್ರದ ತಾರಾಂಗಣದಲ್ಲಿ ಯಾರು ಇರುತ್ತಾರೆ...?
ಚಿತ್ರದಲ್ಲಿ ಹಿಂದೆ ಮೋಡಿ ಮಾಡಿದ್ದ ಸ್ಟಾರ್ ಜೋಡಿಯಾದ ಅಮೀರ್ ಮತ್ತು ಸಲ್ಮಾನ್ ಮತ್ತೆ ಒಂದಾಗಲಿದ್ದಾರೆ ಎಂಬುದು ಈ ಖಾನ್ದ್ವಯರ ಅಭಿಮಾನಿ ಬಳಗಕ್ಕೆ ಸಿಹಿ ಸುದ್ದಿ.
ಸಧ್ಯಕ್ಕೆ ಸಲ್ಮಾನ್ರನ್ನು ಚಿತ್ರಕ್ಕೆ ಒಪ್ಪಿಸುವಲ್ಲಿ ಅಮೀರ್ ನಿರತರಾಗಿದ್ದಾರೆ. ನಿರ್ದೇಶಕ ರಾಜ್ ಕುಮಾರ್ ಸಂತೋಷಿಯವರೇ ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರೆಯೇ ಎಂಬುದು ಪ್ರಸ್ತುತ ಪ್ರಶ್ನೆಯಾಗಿಯೇ ಉಳಿದಿದೆ.
ಆದರೆ ಅಮೀರ್ರ ಬಗ್ಗೆ ತಿಳಿದಿರುವ ಪ್ರಕಾರ, ಅವರ ಈ ಕನಸಿನ ಚಿತ್ರಕ್ಕೆ ಬಾಲಿವುಡ್ನ ದಿಗ್ಗಜರೊಬ್ಬರನ್ನು ನಿರ್ದೇಶನಕ್ಕಿಳಿಸುವುದು ಖಚಿತ...!!
