Publish Date: Tue, 09 Oct 2007 (17:58 IST)
Updated Date: Tue, 09 Oct 2007 (17:57 IST)
ಅಮೀರ್‌ಖಾನ್ ಮಾಧ್ಯಮಗಳಿಂದ ದೂರಸರಿಯುವ ನಟ. ಪತ್ರಿಕೆಗಳಿಗೆ ಅವರು ಯಾವುದೇ ಸಂದರ್ಶನ ನೀಡುವುದಿಲ್ಲ. ಆದರೆ ತಮ್ಮ ಚಿತ್ರದ ಡಿವಿಡಿ ಪ್ರಮೋಟ್ ಮಾಡುವಾಗ ತಮ್ಮ ಅಭಿಮಾನಿಗಳ ಜತೆ ಸಂವಾದಿಸಲು ಅಮೀರ್ ಒಂದು ವಿಶಿಷ್ಟ ವಿಧಾನವನ್ನು ಕಂಡುಕೊಂಡಿದ್ದಾರೆ.
ಕೆಲವು ವಾರಗಳ ಹಿಂದೆ ಅಮೀರ್ ಲಗಾನ್‌ಡಿವಿಡಿ ಡಾಟ್‌ಕಾಂ ಬ್ಲಾಗ್ ಆರಂಭಿಸಿದ್ದು, ಅಭಿಮಾನಿಗಳಿಂದ ವ್ಯಾಪಕ ಪ್ರತಿಕ್ರಿಯೆ ಸಿಕ್ಕಿತು. ಅಮೀರ್ ಮತ್ತು ಅಭಿಮಾನಿಗಳು ಈ ವೇದಿಕೆ ಮೂಲಕ ಸಂಪರ್ಕವಿರಿಸಿಕೊಂಡಿದ್ದರು.
ಈಗ ಅಮೀರ್ ತಮ್ಮ ಸಂವಾದವನ್ನು ತನ್ನ ಖಾಸಗಿ ವೆಬ್‌ಸೈಟ್ "ಅಮೀರ್‌ಖಾನ್ ಡಾಟ್‌ಕಾಂ"ಗೆ ಬದಲಾಯಿಸಿದ್ದಾರೆ.ಅಮೀರ್ ವೆಬ್‌ಸೈಟ್‌ನಲ್ಲಿ ಆನ್‌ಲೈನ್ ಚಾಟ್‌ಗೆ ಅವಕಾಶವಿದ್ದು, ಅಮಿರ್ ಜತೆ ಪರಸ್ಪರ ಚಾಟಿಂಗ್ ಮಾಡಬಹುದಾಗಿದೆ.
