ಅತಿಲೋಕ ಸುಂದರಿ ಶ್ರೀದೇವಿ ಸಿನಿಮಾದಲ್ಲಿ ನಟಿಸ್ತಾರಂತೆ.. !
, ಸೋಮವಾರ, 3 ಮಾರ್ಚ್ 2014 (11:35 IST)
ಅತಿಲೋಕ ಸುಂದರಿ ಎನ್ನುವ ಖ್ಯಾತಿ ಪಡೆದಿರುವ ಮಾದಕ ಚೆಲುವೆ ಶ್ರೀದೇವಿ.ಆಕೆಯು ತನ್ನ ತಾರಾ ಬದುಕಲ್ಲಿ ಮಾಡಿದ ಸಾಧನೆ ಅಪಾರ. ತನ್ನ ಪ್ರತಿಭೆಯ ಜೊತೆಯಲ್ಲಿ ರೂಪದಿಂದಲೂ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದಂತಹ ರೂಪವತಿ. ಸುಮಾರು ಹದಿನಾಲ್ಕು ವರ್ಷಗಳ ಕಾಲ ಚಿತ್ರರಂಗದ ಕಡೆಗೆ ಕಾಲಿಡದ ಈ ಚೆಲುವೆ ಮತ್ತೆ ಚಿತ್ರರಂಗದಲ್ಲಿ ತನ್ನ ಪ್ರತಿಭೆ ತೋರಿದ್ದು ಇಂಗ್ಲೀಶ್ ವಿಂಗ್ಲೀಶ್ ಚಿತ್ರದ ಮುಖಾಂತರ. ಇಂಗ್ಲಿಶ್ ವಿಂಗ್ಲೀಶ್ ಮುಖಾಂತರ ರೀ ಎಂಟ್ರಿ ಆದ ಶ್ರೀದೇವಿ ಗೌರಿ ಶಿಂದೆ ಪಾತ್ರಧಾರಿ ಆಗಿದ್ದರು. ಅದು ಒಳ್ಳೆಯ ಯಶಸ್ಸು ನೀಡಿತ್ತು. ಅದಾದ ಬಳಿಕ ಈ ಚಿತ್ರ ತಮಿಳು ಮತ್ತು ತೆಲುಗು ಭಾಷೆಗಳಲ್ಲೂ ಸಹ ಬಿಡುಗಡೆ ಆಗಿತ್ತು. ಈ ಚಿತ್ರಕ್ಕೆ ಒಳ್ಳೆಯ ಅಭಿಪ್ರಾಯಗಳು ಸಹ ಕೇಳಿ ಬಂದಿತ್ತು.
ಆದರೆ ಅದಾದ ಬಳಿಕ ಆಕೆ ಯಾವ ಚಿತ್ರಕ್ಕೂ ಸಹಿ ಹಾಕಿರಲಿಲ್ಲ. ಈಗ ಬಂದಿರುವ ಸುದ್ದಿ ಪ್ರಕಾರ ಶ್ರೀ ಅತ್ಯುತ್ತಮ ಸ್ಕ್ರಿಪ್ಟ್ ರೈಟರ್ ಎಂದು ಟಾಲಿವುಡ್ ನಲ್ಲಿ ಹೆಸರು ಪಡೆದಿರುವ ಕೋಣ ವೆಂಕಟ್ ಅವರ ಚಿತ್ರಕಥೆಯೂ ಶ್ರೀದೆವಿಯನ್ನು ಆಕರ್ಷಿಸಿದೆಯಂತೆ. ಈ ಚಿತ್ರಕ್ಕೆ ಆಕೆಯಿಂದ ಗ್ರೀನ್ ಸಿಗ್ನಲ್ ದೊರಕಿದ್ದು, ಚಿತ್ರವನ್ನು ಶ್ರೀ ಯ ಪತಿ ಬೋನಿ ಕಪೂರ್ ಅವರು ನಿರ್ಮಿಸುತ್ತಿದ್ದಾರಂತೆ. ಹಿಂದಿ , ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಸೆಟ್ಟೆ ರುತ್ತಿರುವ ಈ ಚಿತ್ರದ ಶೂಟಿಂಗ್ ಸೆಪ್ಟಂಬರ್ ತಿಂಗಳಲ್ಲಿ ಆರಂಭಗೊಂಡು 2015ರಲ್ಲಿ ಬಿಡುಗಡೆ ಆಗುತ್ತದೆ ಎನ್ನುವ ಸುದ್ದಿ ಹರಡಿದೆ. ಸದ್ಯಕ್ಕೆ ಪಾತ್ರಗಳ ಆಯ್ಕೆಆಗಿಲ್ಲ, ಅದಾದ ತಕ್ಷಣ ನಾವು ನಿಮಗೆ ತಿಳಿಸುತ್ತೇವೆ!
