ಮಹೇಶ್ ಬಾಬು ಮತ್ತು ಶ್ರುತಿ ಹಾಸನ್ ಜೊತೆ ಜೊತೆಯಾಗಿದ್ದಾರೆ ...
, ಮಂಗಳವಾರ, 8 ಏಪ್ರಿಲ್ 2014 (10:50 IST)
ಈಗ ದಕ್ಷಿಣದ ಎಲ್ಲ ವುಡ್ ಗಳಲ್ಲೂ ಮತ್ತು ಬಾಲಿವುಡ್ ನಲ್ಲೂ ಸಹ ತನ್ನ ಪ್ರತಿಭೆ ಮತ್ತು ಗ್ಲಾಮರ್ ನಿಂದ ಸಾಕಷ್ಟು ಅವಕಾಶಗಳನ್ನು ಪಡೆಯುತ್ತಿರುವ ನಟಿ ಶ್ರುತಿ ಹಾಸನ್. ಆಕೆಗೆ ಗಬ್ಬರ್ ಸಿಂಗ್ ನಲ್ಲಿ ನಟಿಸಿದ ಬಳಿಕ ಅಪಾರವಾದ ಯಶಸ್ಸು ತನ್ನದಾಗಿಸಿ ಕೊಂಡಳು.ಅದಾದ ಬಳಿಕ ಆಕೆಗೆ ಬಲುಪು, ಎವಡು, ರಾಮಯ್ಯ ವಸ್ತಾವಯ್ಯ ದಂತಹ ಭಾರಿ ಮೊತ್ತದ ಚಿತ್ರಗಳಲ್ಲಿ ನಟಿಸುವ ಅವಕಾಶ ದೊರಕಿತು. ಅಲ್ಲದೆ ಈಗ ಮಣಿರತ್ನಂ ಅವರ ಹೊಚ್ಚ ಹೊಸ ಚಿತ್ರದಲ್ಲೂ ಸಹ ಆಕ್ಟ್ ಮಾಡುವ ಅವಕಾಶ ದೊರೆತಿದೆ. ಅಲ್ಲದೆ ಕೊರಟಾಲ ಶಿವ ನಿರ್ದೇಶನದ ಚಿತ್ರದಲ್ಲಿ ನಟಿಸುವ ಅವಕಾಶವನ್ನು ಸಹಿತ ಪಡೆದಿದ್ದಾಳೆ ಶ್ರುತಿ.
ಮಣಿರತ್ನಂ ಚಿತ್ರದ ಕಾರ್ಯಗಳು ತುಸು ತಡವಾಗಿ ಇದ್ದರು ಸಹ ಕೊರಟಾಲ ಶಿವ ಅವರ ಸಿನಿಮಾದ ಕೆಲಸವು ಶೀಘ್ರವಾಗಿ ಆರಂಭ ಆಗಿದೆ. ಆದ್ರೆ ಮಹೇಶ್ ಬಾಬು ಒಂದರ ಹಿಂದೆ ಅನೇಕ ಚಿತ್ರಗಳಲಿ ಸಹಿ ಹಾಕಿದ ಕಾರಣ ಇದರಲ್ಲಿ ನಟಿಸುವ ಸಾಧ್ಯತೆ ತುಂಬಾ ಕಡಿಮೆ ಎಂದು ತಿಳಿಯಲಾಗಿತ್ತು. ಅಂತಹ ಯಾವುದೇ ಸಂಗತಿ ನಡೆದಿಲ್ಲ.ಯುಟಿವಿಯ ದಕ್ಷಿಣದ ಮುಖ್ಯಸ್ಥ ಧನಂಜಯ್ ಕುಮಾರ್ ಅವರು ಕೊರಟಾಲ ಶಿವೂ ನಿರ್ದೇಶನದ ಚಿತ್ರವೂ ಸದ್ಯದಲ್ಲೇ ಆರಂಭ ಆಗುತ್ತದೆ ಎನ್ನುವ ಸಂಗತಿ ಟ್ವೀಟ್ ಮಾಡಿ ಹೇಳಿದ್ದಾರೆ. ಅದರಲ್ಲಿ ಈ ಚಿತ್ರದ ಕೆಲಸಗಳು ಜುಲೈ 15 ರಿಂದ ಆರಂಭ ಆಗುತ್ತದೆ ಎನ್ನುವ ಸಂಗತಿಯನ್ನು ತಿಳಿಸಲಾಗಿದೆ. ಈವರೆಗೂ ಪ್ರೀ ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿದ್ದು, ಈಗ ಉಳಿದ ಆರ್ಟಿಸ್ಟ್ ಗಳು ಮತ್ತು ಟೆಕ್ನಿಷಿಯನ್ಸ್ ಗಳ ಆಯ್ಕೆಯ ಕೆಲಸ ಆರಂಭ ಆಗಿದೆ.
