ಅಮೀರ್ ಖಾನ್ ಜೊತೆಯಲ್ಲಿ ನಟಿಸ ಬೇಕೆಂಬುದೇ ನನ್ನ ಗುರಿಯಲ್ಲ ಎಂದ ಕ್ವೀನ್ ಕಂಗನ
, ಮಂಗಳವಾರ, 8 ಏಪ್ರಿಲ್ 2014 (10:38 IST)
ಕ್ವೀನ್ ಚಿತ್ರದ ಮುಖಾಂತ ಹೊಸ ಸಂಚಲನ ಉಂಟು ಮಾಡಿದ ನಟಿ ಕಂಗನ ರನೌಟ್. ಆಕೆ ತನಗೆ ಅಮೀರ್ ಖಾನ್ ಜೊತೆಯಲ್ಲಿ ನಟಿಸಲೇ ಬೇಕೆಂಬ ಯಾವುದೇ ಗುರಿಯಿಲ್ಲ ಎಂಬಂತಹ ಮಾತನ್ನು ಮೀಡಿಯಾ ಮಂದಿಯ ಮುಂದೆ ಹೇಳಿದ್ದಾಳೆ. ಈಕೆ ಕ್ವೀನ್ ಚಿತ್ರದಲ್ಲಿ ತನ್ನ ನಟನೆಯ ಮೂಲಕ ಅಭಿಮಾನಿಗಳು, ಸಹ ನಟರು , ಅಲ್ಲದೆ ವಿಮರ್ಶಕರನ್ನು ಸಹ ಮೆಚ್ಚಿಸಿದ್ದಾಳೆ . ಕ್ವೀನ್ ನಲ್ಲಿನ ಕಂಗನ ನಟನೆಯನ್ನು ವೀಕ್ಷಿಸಿದ ಮಿ. ಪರ್ಫೆಕ್ಟ್ ತನಗೆ ಕಂಗನಾ ಜೊತೆ ನಟಿಸುವುದಕ್ಕೆ ಆಸಕ್ತಿ ಇದೆ ಎನ್ನುವ ಮಾತನ್ನು ಬಿಚ್ಚಿ ಹೇಳಿದ್ದಾರೆ.
ಯಾವುದೋ ಒಂದು ಚಿತ್ರದಲ್ಲಿ ನಾನು ನಟಿಸಲಾರೆ. ಕಥೆ, ಎಲ್ಲರನ್ನು ಆಕರ್ಷಿಸುವ ಅಂಶಗಳು ಇರುವಂತಹ ಚಿತ್ರವಾಗಿದ್ದರೆ ಮಾತ್ರ ಆಕ್ಟ್ ಮಾಡಲು ಆದ್ಯತೆ ನೀಡುತ್ತೇನೆ ಎನ್ನುವುದು ಈ ಪ್ರತಿಭೆ ಮನದ ಮಾತು . ಗೆಲುವು ಸಿಕ್ಕಾಗ ಸಿಕ್ಕ ಸಿಕ್ಕ ಅವಕಾಶಗಳನ್ನು ಬಾಚಿಕೊಂಡರೆ ಅದು ಒಳ್ಳೆಯ ಫಲಿತಾಂಶ ನೀಡಲ್ಲ ಎನ್ನುವ ಸತ್ಯ ಬಲ್ಲ ಈ ಜಾಣೆ ಹೆಚ್ಚು ಆದ್ಯತೆ ನೀಡುತ್ತಿದ್ದಾಳೆ ಒಳ್ಳೆಯ ಸಿನಿಮಾದಲ್ಲಿ ನಟಿಸಲು. ಈಕೆಗೆಯ ಮತ್ತೊಂದು ಚಿತ್ರ ರಿವಾಲ್ವರ್ ರಾಣಿ ಇದೆ ತಿಂಗಳು 25ರಂದು ಬಿಡುಗಡೆ ಆಗುತ್ತಿದೆ.
