ಮೊಡವೆಯುಕ್ತ ಕಾಂತಿಯುತ ಮುಖಕ್ಕೆ

ಮುಳ್ಳುಸೌತೆಯನ್ನು ಸಿಪ್ಪೆ, ಬೀಜ ಸಮೇತ ನುಣ್ಣಗೆ ಕಡೆದು ಮುಖಕ್ಕೆ ಲೇಪ ಹಾಕಿ 30 ನಿಮಿಷ ಬಿಟ್ಟು ತೊಳೆಯಿರಿ. ಎಲ್ಲರೀತಿಯ ಮೊಡವೆಗಳೂ ಕಾಲುಕಳುತ್ತದೆ.

ಲಿಂಬೇರಸ ಮತ್ತು ರೋಸ್ ವಾಟರ್ ಸಮಪ್ರಮಾಣದಲ್ಲಿ ಬೆರೆಸಿ ಮುಖಕ್ಕೆ ಹಚ್ಚಿ. ಇದು ಮೊಡವೆಗಳನ್ನು ಹೋಗಲಾಡಿಸುತ್ತದೆ. ಶುಭ್ರ ಮೈಕಾಂತಿಯನ್ನೂ ನೀಡುತ್ತದೆ.

ವಿನೆಗರ್ ಮತ್ತು ಉಪ್ಪು ನುಣ್ಣಗೆ ರುಬ್ಬಿ. ಮುಖಕ್ಕೆ ಬೆರಳ ತುದಿಯಿಂದ ಗೋಲಾಕಾರವಾಗಿ ಸವರುತ್ತಾ ಬನ್ನಿ. ಐದು ನಿಮಿಷ ಬಿಟ್ಟು ತೊಳೆಯಿರಿ. ಬ್ಲ್ಯಾಕ್ ಹೆಡ್, ಡೆಡ್‌ಸ್ಕಿನ್‌ಗಳೆಲ್ಲವೂ ಮಂಗಮಾಯವಾಗುತ್ತವೆ.

ಟೋಮೇಟೋ ಹಣ್ಣನ್ನು ನುಣ್ಣಗೆ ಅರೆದು ಮುಖಕ್ಕೆ ಹಚ್ಚಿ ಒಂದು ಗಂಟೆ ಬಿಟ್ಟು ತೊಳೆದರೆ ಮುಖದ ಮೊಡವೆಗಳು ಮಾಯವಾಗಿ ಕಾಂತಿಯುಕ್ತವಾಗುತ್ತದೆ.

ಆಲೂಗಡ್ಡೆಯನ್ನು ರುಬ್ಬಿ ಮುಖಕ್ಕೆ ಹಚ್ಚಿ ಸ್ವಲ್ಪ ಹೊತ್ತಿನ ಬಳಿಕ ತೊಳೆಯಿರಿ. ದಿನವೂ ಹೀಗೆ ಮಾಡಿದರೆ ತ್ವಚೆ ಗೌರವರ್ಣ ಪಡೆದು ಕಲೆಗಳು ಮಾಯವಾಗುತ್ತವೆ.