ಬೆಂಗಳೂರು: ಭಾರತದ ಮಧ್ಯಮ ವರ್ಗದವರಿಗೆ ಮನೆ ಕಟ್ಟುವುದು, ವಾಹನ ಖರೀದಿ ಮಾಡುವುದು ಎಂದರೆ ಅದು ಜೀವನದ ವಿಶೇಷ ಗಳಿಗೆಯಾಗಿರುತ್ತದೆ.
ವಾಹನ, ಮನೆ ನಮ್ಮ ಜೀವನಕ್ಕೆ ಲಾಭ ತರಬೇಕು, ಶುಭವಾಗಬೇಕು ಎಂದು ಬಯಸುತ್ತೇವೆ. ಹಾಗಿದ್ದರೆ ವಾಹನ ಖರೀದಿಗೆ ವಾರದಲ್ಲಿ ಯಾವ ದಿನಗಳು ಸೂಕ್ತ, ಯಾವ ದಿನಗಳು ಸೂಕ್ತವಲ್ಲ ನೋಡೋಣ.
ಶನಿವಾರ ಒಂದನ್ನು ಬಿಟ್ಟು ಉಳಿದೆಲ್ಲಾ ದಿನಗಳಂದು ವಾಹನ ಖರೀದಿ ಮಾಡಬಹದು. ಅದರಲ್ಲೂ ವಿಶೇಷವಾಗಿ ಲಕ್ಷ್ಮಿಯ ದಿನ ಶುಕ್ರವಾರ ಖರೀದಿ ಮಾಡಿದರೆ ಇನ್ನಷ್ಟು ಉತ್ತಮ. ಆದರೆ ಶನಿಯ ವಾರವಾದ ಶನಿವಾರ ಮಾತ್ರ ವಾಹನ ಖರೀದಿಗೆ ಅಷ್ಟೊಂದು ಒಳ್ಳೆಯ ಸಮಯವಲ್ಲ. ಇದರ ಹೊರತಾಗಿ ಬುಧವಾರ ಕೂಡಾ ಒಳ್ಳೆಯ ದಿನವೇ. ಆದರೆ ಭರಣಿ-ಕೃತ್ತಿಕೆ ನಕ್ಷತ್ರದಂದು ಖರೀದಿ ಮಾಡಿದರೆ ಪದೇ ಪದೇ ರಿಪೇರಿಗೆ ಹೋಗಬೇಕಾದೀತು.
ಇನ್ನು, ತಿಥಿ ಪ್ರಕಾರ ಪ್ರಥಮ, ತೃತೀಯ, ಪಂಚಮಿ, ಷಷ್ಠಿ, ದಶಮಿ, ಏಕಾದಶಿ, ತ್ರಯೋದಶಿ, ಹುಣ್ಣಿಮೆಯಂದು ವಾಹನ ಖರೀದಿ ಮಾಡಿದರೆ ಶುಭವಾಗುವುದು.
