ಶ್ರೀ ಗಣನಾಥ ಸ್ತೋತ್ರ ಕನ್ನಡದಲ್ಲಿ ಇಲ್ಲಿದೆ

ಇಂದು ಬುಧವಾರವಾಗಿದ್ದು ವಿಘ್ನ ವಿನಾಶಕ ಗಣೇಶನಿಗೆ ವಿಶೇಷವಾದ ದಿನವಾಗಿದೆ. ಇಂದು ವಿಘ್ನೇಶ್ವರನ ಅನುಗ್ರಹಕ್ಕಾಗಿ ಶ್ರೀ ಗಣನಾಥ ಸ್ತೋತ್ರವನ್ನು ತಪ್ಪದೇ ಓದಿ. ಕನ್ನಡದಲ್ಲಿ ಇಲ್ಲಿದೆ.

ಗರ್ಭ ಉವಾಚ |
ನಮಸ್ತೇ ಗಣನಾಥಾಯ ಬ್ರಹ್ಮಣೇ ಬ್ರಹ್ಮರೂಪಿಣೇ |
ಅನಾಥಾನಾಂ ಪ್ರಣಾಥಾಯ ವಿಘ್ನೇಶಾಯ ನಮೋ ನಮಃ || ೧ ||
ಜ್ಯೇಷ್ಠರಾಜಾಯ ದೇವಾಯ ದೇವದೇವೇಶಮೂರ್ತಯೇ |
ಅನಾದಯೇ ಪರೇಶಾಯ ಚಾದಿಪೂಜ್ಯಾಯ ತೇ ನಮಃ || ೨ ||
ಸರ್ವಪೂಜ್ಯಾಯ ಸರ್ವೇಷಾಂ ಸರ್ವರೂಪಾಯ ತೇ ನಮಃ |
ಸರ್ವಾದಯೇ ಪರಬ್ರಹ್ಮನ್ ಸರ್ವೇಶಾಯ ನಮೋ ನಮಃ || ೩ ||
ಗಜಾಕಾರಸ್ವರೂಪಾಯ ಗಜಾಕಾರಮಯಾಯ ತೇ |
ಗಜಮಸ್ತಕಧಾರಾಯ ಗಜೇಶಾಯ ನಮೋ ನಮಃ || ೪ ||
ಆದಿಮಧ್ಯಾಂತಭಾವಾಯ ಸ್ವಾನಂದಪತಯೇ ನಮಃ |
ಆದಿಮಧ್ಯಾಂತಹೀನಾಯ ತ್ವಾದಿಮಧ್ಯಾಂತಗಾಯ ತೇ || ೫ ||
ಸಿದ್ಧಿಬುದ್ಧಿಪ್ರದಾತ್ರೇ ಚ ಸಿದ್ಧಿಬುದ್ಧಿವಿಹಾರಿಣೇ |
ಸಿದ್ಧಿಬುದ್ಧಿಮಯಾಯೈವ ಬ್ರಹ್ಮೇಶಾಯ ನಮೋ ನಮಃ || ೬ ||
ಶಿವಾಯ ಶಕ್ತಯೇ ಚೈವ ವಿಷ್ಣವೇ ಭಾನುರೂಪಿಣೇ |
ಮಾಯಿನಾಂ ಮಾಯಯಾ ನಾಥ ಮೋಹದಾಯ ನಮೋ ನಮಃ || ೭ ||
ಕಿಂ ಸ್ತೌಮಿ ತ್ವಾಂ ಗಣಾಧೀಶ ಯತ್ರ ವೇದಾದಯೋಽಪರೇ |
ಯೋಗಿನಃ ಶಾಂತಿಮಾಪನ್ನಾ ಅತಸ್ತ್ವಾಂ ಪ್ರಣಮಾಮ್ಯಹಮ್ || ೮ ||
ರಕ್ಷ ಮಾಂ ಗರ್ಭದುಃಖಾತ್ತ್ವಂ ತ್ವಾಮೇವ ಶರಣಾಗತಮ್ |
ಜನ್ಮಮೃತ್ಯುವಿಹೀನಂ ವೈ ಕುರುಷ್ವ ತೇ ಪದಪ್ರಿಯಮ್ || ೯ ||
ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ನವಮ ಖಂಡೇ ಶ್ರೀ ಗಣನಾಥ ಸ್ತೋತ್ರಮ್ ||