ನಿತ್ಯವೂ ಪ್ರಾತಃಕಾಲದಲ್ಲಿ ಈ 12 ನಾಮಗಳನ್ನು ಸ್ಮರಿಸುವುದರಿಂದ ಶಾರೀರಿಕ ದೃಢತೆ, ಕಣ್ಣಿನ ಆರೋಗ್ಯ ಹಾಗೂ ಚೇತನ ಹೆಚ್ಚಾಗುತ್ತದೆ. ಅರಿಯದೇ ಮಾಡಿದ ತಪ್ಪುಗಳು, ದ್ರೋಹ ಮತ್ತು ಮಾನಸಿಕ ಕಲ್ಮಷಗಳು ನಿವಾರಣೆಯಾಗುತ್ತವೆ. ಸೂರ್ಯನ ಕೃಪೆಯಿಂದ ಸಕಾರಾತ್ಮಕ ಶಕ್ತಿ, ಕೀರ್ತಿ ಮತ್ತು ಕಾರ್ಯಗಳಲ್ಲಿ ಸಫಲತೆ ದೊರೆಯುತ್ತದೆ.
ಆದಿತ್ಯಃ ಪ್ರಥಮಂ ನಾಮ ದ್ವಿತೀಯಂ ತು ದಿವಾಕರಃ ।
ತೃತೀಯಂ ಭಾಸ್ಕರಃ ಪ್ರೋಕ್ತಂ ಚತುರ್ಥಂ ತು ಪ್ರಭಾಕರಃ ॥ ೧ ॥
ಪಂಚಮಂ ತು ಸಹಸ್ರಾಂಶುಃ ಷಷ್ಠಂ ಚೈವ ತ್ರಿಲೋಚನಃ ।
ಸಪ್ತಮಂ ಹರಿರಶ್ವಶ್ಚ ಅಷ್ಟಮಂ ಚ ವಿಭಾವಸುಃ ॥ ೨ ॥
ನವಮಂ ದಿನಕರಃ ಪ್ರೋಕ್ತಂ ದಶಮಂ ದ್ವಾದಶಾತ್ಮಕಃ ।
ಏಕಾದಶಂ ತ್ರಿಮೂರ್ತಿಶ್ಚ ದ್ವಾದಶಂ ಸೂರ್ಯ ಏವ ಚ ॥ ೩ ॥
ದ್ವಾದಶ ನಾಮಗಳು (12 Names)
ಆದಿತ್ಯ – ಕಶ್ಯಪ ಮತ್ತು ಅದಿತಿಯ ಪುತ್ರ
ದಿವಾಕರ – ಹಗಲನ್ನು ಉಂಟುಮಾಡುವವನು
ಭಾಸ್ಕರ – ಪ್ರಕಾಶವನ್ನು ನೀಡುವವನು
ಪ್ರಭಾಕರ – ಕತ್ತಲನ್ನು ದೂರ ಮಾಡುವವನು
ಸಹಸ್ರಾಂಶು – ಸಾವಿರ ರಶ್ಮಿಗಳು (ಕಿರಣಗಳು) ಉಳ್ಳವನು
ತ್ರಿಲೋಚನ – ಮೂರು ಕಣ್ಣುಗಳುಳ್ಳವನು (ಶಿವ ಸ್ವರೂಪಿ)
ಹರಿರಶ್ವ – ಹಸಿರು ಬಣ್ಣದ ಕುದುರೆಗಳನ್ನು ಹೊಂದಿರುವವನು
ವಿಭಾವಸು – ತೇಜಸ್ಸೇ ಧನವಾಗಿ ಉಳ್ಳವನು
ದಿನಕರ – ದಿನವನ್ನು ಸೃಷ್ಟಿಸುವವನು
ದ್ವಾದಶಾತ್ಮಕ – ಹನ್ನೆರಡು ರಾಶಿಗಳಲ್ಲಿ ಹಾಗೂ ಮಾಸಗಳಲ್ಲಿ ವ್ಯಾಪಿಸಿರುವವನು
ತ್ರಿಮೂರ್ತಿ – ಬ್ರಹ್ಮ, ವಿಷ್ಣು, ಮಹೇಶ್ವರರ ಸ್ವರೂಪಿಯಾದವನು
ಸೂರ್ಯ – ಪ್ರಪಂಚಕ್ಕೆ ಚೈತನ್ಯ ನೀಡುವವನು
