ॐ ಶ್ರೀ ಕೃಷ್ಣಾಷ್ಟೋತ್ತರ ಶತನಾಮ ಸ್ತೋತ್ರಮಂತ್ರಸ್ಯ ಶ್ರೀ ಶೇಷ ಋಷಿಃ । ಅನುಷ್ಟುಪ್ ಛಂದಃ । ಶ್ರೀಕೃಷ್ಣೋ ದೇವತಾ। ಶ್ರೀಕೃಷ್ಣ ಪ್ರೀತ್ಯರ್ಥೇ ಶ್ರೀಕೃಷ್ಣಾಷ್ಟೋತ್ತರ ಶತ ನಾಮ ಜಪೇ ವಿನಿಯೋಗಃ।ಶೇಷ ಉವಾಚ :ಶ್ರೀಕೃಷ್ಣಃ ಕಮಲಾನಾಥೋ ವಾಸುದೇವಃ ಸನಾತನಃ।ವಾಸುದೇವಾತ್ಮಜಃ ಪುಣ್ಯೋ ಲೀಲಾಮಾನುಷವಿಗ್ರಹಃ॥1॥ಶ್ರೀವತ್ಸ ಕೌಸ್ತುಭಧರೋ ಯಶೋದಾ ವತ್ಸಲೋ ಹರಿಃ।ಚತುರ್ಭುಜಾತ್ತ ಚಕ್ರಾಸಿ ಗದಾ ಶಂಖಾಂಬುಜಾಯುಧಃ॥2॥ದೇವಕೀನಂದನಃ ಶ್ರೀಶೋ ನಂದಗೋಪ ಪ್ರಿಯಾತ್ಮಜಃ।ಯಮುನಾವೇಗ ಸಂಹಾರೀ ಬಲಭದ್ರ ಪ್ರಿಯಾನುಜಃ॥3॥ಪೂತನಾಜೀವಿತಹರಃ ಶಕಟಾಸುರ ಭಜನಃ।ನಂದವ್ರಜಜನಾನಂದೀ ಸಚ್ಚಿದಾನಂದ ವಿಗ್ರಹಃ॥4॥ನವನೀತನವಾಹಾರೀ ಮುಚುಕುಂದಪ್ರಸಾದಕಃ।ಷೋಡಶಸ್ತ್ರೀಸಹಸ್ರಾಂಶುಸ್ತ್ರಿಭಂಗೀ ಮಧುರಾಕೃತಿಃ॥5॥ಶುಕವಾಗಮೃತಾಬ್ಧೀಂದುರ್ಗೋವಿಂದೋ ಗೋವಿದಾಂ ಪತಿಃ।ವತ್ಸಪಾಲನಸಂಚಾರೀ ಧೇನುಕಾಸುರಭಂಜನಃ॥6॥ತೃಣೀಕೃತ ತೃಣಾವರ್ತೋ ಯಮಲಾರ್ಜುನಭಂಜನಃ।ಉತ್ತಾಲತಾಲಭೇತ್ತಾ ಚ ತಮಾಲ-ಶ್ಯಾಮಲಾಕೃತಿಃ॥7॥ಗೋಪಗೋಪೀಶ್ವರೋ ಯೋಗೀ ಸೂರ್ಯಕೋಟಿಸಮಪ್ರಭಃ।ಇಳಾಪತಿಃ ಪರಂ ಜ್ಯೋತಿರ್ಯಾದವೇಂದ್ರೋ ಯದುದ್ಧಹಃ॥8॥ವನಮಾಲೀ ಪೀತವಾಸಃ ಪಾರಿಜಾತಾಪಹಾರಕಃ।ಗೋವಾರ್ಧನಾಚಲೋದ್ಧರ್ತಾ ಗೋಪಾಲಃ ಸರ್ವಪಾಲಕಃ॥9॥ಅಜೋ ನಿರಂಜನಃ ಕಾಮಜನಕ ಕಂಜಲೋಚನಃ।ಮಧುಹಾ ಮಧುರಾನಾಥೋ ದ್ವಾರಕಾನಾಯಕೋ ಬಲೀ॥10॥ ವೃಂದಾವನಾಂತಸಂಚಾರಿ ತುಳಸೀದಾಸಭೂಷಣಃ।ಸ್ಯಮಂತಕಮಣೇರ್ಹರ್ತಾ ನರನಾರಾಯಣಾತ್ಮಕಃ॥11॥ಕುಬ್ಜಾಕೃಷ್ಣಾಂಬರಧರೋ ಮಾಯೀ ಪರಮಪೂರುಷಃ।ಮುಷ್ಟಿಕಾಸುರ ಚಾಣೂರ ಮಹಾಯುದ್ಧ ವಿಶಾರದಃ॥12॥ಸಂಸಾರವೈರೀ ಕಂಸಾರಿರ್ಮುರಾರಿರ್ನರಕಾಂತಕಃ।ಅನಾದಿರ್ಬ್ರಹ್ಮಚಾರೀ ಚ ಕೃಷ್ಣಾವ್ಯಸನಕರ್ಷಕಃ॥13॥ಶಿಶುಪಾಲ ಶಿರಚ್ಛೇತ್ತಾ ದುರ್ಯೋಧನಕುಲಾಂತಕೃತ್।ವಿದುರಾಕ್ರೂರವರದೋ ವಿಶ್ವರೂಪಪ್ರದರ್ಶಕಃ॥14॥ಸತ್ಯವಾಕ್ ಸತ್ಯಸಂಕಲ್ಪಃ ಸತ್ಯಭಾಭಾರತೋ ಜಯೀ।ಸುಭದ್ರಾಪೂರ್ವಜೋ ವಿಷ್ಣುರ್ಭೀಷ್ಮಮುಕ್ತಿಪ್ರದಾಯಕಃ॥15॥ಜಗದ್ಗುರುರ್ಜಗನ್ನಾಥೋ ವೇಣುವಾದ್ಯ ವಿಶಾರದಃ।ವೃಷಭಾಸುರ ವಿಧ್ವಂಸೀ ಬಾಣಾಸುರ ಬಲಾಂತಕೃತ್॥16॥
ಯುಧಿಷ್ಠಿರ ಪ್ರತಿಷ್ಠಾತಾ ವರ್ಹಿವರ್ಹಾವತಂಸಕಃ।
ಪಾರ್ಥಸಾರಥಿರವ್ಯಕ್ತೋ ಗೀತಾಮೃತಮಹೋದಧಿಃ॥17॥
ಕಾಲೀಯಫಣಿಮಾಣಿಕ್ಯ ರಂಜಿತ ಶ್ರೀಪದಾಂಬುಜಃ।
ದಾಮೋದರೋ ಯಜ್ಞಭೋಕ್ತಾ ದಾನವೇಂದ್ರ ವಿನಾಶನಃ॥18॥
ನಾರಾಯಣಃ ಪರಂಬ್ರಹ್ಮಾ ಪನ್ನಗಾಶನವಾಹನಃ।
ಜಲಕ್ರೀಡಾಸಮಾಸಕ್ತ ಗೋಪೀವಸ್ತ್ರಾಪಹಾರಕಃ॥19॥
ಪುಣ್ಯಶ್ಲೋಕಸ್ಥೀರ್ಥಕರೋ ದೇವವೇದ್ಯೋದಯಾನಿಧಿಃ।
ಸರ್ವತೀರ್ಥಾತ್ಮಕಃ ಸರ್ವಗ್ರಹರೂಪೋ ಪರಾತ್ಪರಃ॥20॥
ಇತ್ಯೇವಂ ಕೃಷ್ಣದೇವಸ್ಯ ನಾಮ್ನಾಮಷ್ಟೋತ್ತರಂ ಶತಂ।
ಕೃಷ್ಣೇನ ಕೃಷ್ಣ ಭಕ್ತೇನ ಶ್ರುತ್ವಾ ಗೀತಾಮೃತಂ ಪುರಾ॥21॥
ಸ್ತೋತ್ರಂ ಕೃಷ್ಣಪ್ರಿಯಕರಂ ಕೃತಂ ತಸ್ಮಾನ್ಮಯಾ ಪುರಾ।
ಕೃಷ್ಣ ನಾಮಾಮೃತಂ ನಾಮ ಪರಮಾನಂದದಾಯಕಂ॥22॥
ಅನುಪದ್ರವ ದುಃಖಘ್ನಂ ಪರಮಾಯುಷ್ಯವರ್ಧನಂ।
ದಾನಂ ಶ್ರುತಂ ತಪಸ್ತೀರ್ಥ ಯತ್ಕೃತಂ ತ್ವಿಹ ಜನ್ಮನಿ॥23॥
ಪಠತಾಂ ಶೃಣ್ವತಾಂ ಚೈವ ಕೋಟಿ ಕೋಟಿ ಗುಣಂ ಭವೇತ್।
ಪುತ್ರಪ್ರದಮಪುತ್ರಾಣಾಮಗತೀನಾಂ ಗತಿಪ್ರದಂ॥24॥
ಧನಾವಹಂ ದರಿದ್ರಾಣಾಂ ಜಯೇಚ್ಛೂನಾಂ ಜಯಾವಹಂ।
ಶಿಶೂನಾಂ ಗೋಕುಲಾನಾಂ ಚ ಪುಷ್ಟಿದಂ ಪುಷ್ಟಿವರ್ಧನಂ॥25॥
ವಾತಗ್ರಹ ಜ್ವರಾದೀನಾಂ ಶಮನಂ ಶಾಂತಿಮುಕ್ತಿದಂ।
ಸಮಸ್ತಕಾಮದಂ ಸಂಧ್ಯಃ ಕೋಟಿಜನ್ಮಾಘನಾಶನಂ॥26॥
ಅಂತೇ ಕೃಷ್ಣಸ್ಮರಣದಂ ಭವತಾಪಭಯಾಪಹಂ।
ಕೃಷ್ಣಾಯ ಯಾದವೇಂದ್ರಾಯ ಜ್ಞಾನಮುದ್ರಾಯ ಯೋಗಿನೇ।
ನಾಥಾಯ ರುಕ್ಮಿಣೀಶಾಯ ನಮೋ ವೇದಾಂತವೇದಿನೇ॥27॥
ಇಮಂ ಮಂತ್ರಂ ಮಹಾದೇವಿ ಜಪನ್ನೇವ ದಿವಾನಿಶಂ।
ಸರ್ವಗ್ರಹಾನುಗ್ರಹಭಾಕ್ ಸರ್ವಪ್ರಿಯತಮೋ ಭವೇತ್॥28॥
ಪುತ್ರ ಪೌತ್ರೈಃ ಪರಿವ್ರತಃ ಸರ್ವಸಿದ್ಧಿ ಸಮೃದ್ಧಿನಾಂ।
ನಿರ್ವಿಶ್ಯ ಭೋಗಾನಂತೇऽಪಿ ಕೃಷ್ಣಸಾಯುಜ್ಯಮಾಪ್ಯುನಾತ್‌॥29॥
॥ ಇತಿ ಶ್ರೀನಾರದಪಂಚರಾತ್ರೇ ಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಮ್ ॥
