ಇದು ನ್ಯೂಜಿಲೆಂಡ್ ನ ಪ್ರಮುಖ ಹಣ್ಣಾಗಿರುವ ಕಾರಣದಿಂದಾಗಿ ಇದಕ್ಕೆ ಕಿವಿ ಹಣ್ಣು ಎಂದು ಹೆಸರನ್ನಿಡಲಾಗಿದೆ. ಕಿವಿ ಹಣ್ಣಿನಲ್ಲಿ ಹಲವಾರು ರೀತಿಯ ಆರೋಗ್ಯ ಲಾಭಗಳು ಇವೆ. ಈ ಹಣ್ಣಿನಲ್ಲಿ ಹಲವಾರು ರೀತಿಯ ವಿಟಮಿನ್ ಗಳು ಹಾಗೂ ಖನಿಜಾಂಶಗಳು ಇವೆ.
photo credit social media
ಕಿವಿ ಹಣ್ಣು ರಕ್ತ ಹೆಪ್ಪುಗಟ್ಟುವಿಕೆಯನ್ನು ತಡೆಯುವುದು ಮತ್ತು ರಕ್ತದೊತ್ತಡವನ್ನು ಸಮತೋಲನ ದಲ್ಲಿಟ್ಟುಕೊಂಡು ರಕ್ತದಲ್ಲಿನ ಕೊಬ್ಬು ಕಡಿಮೆ ಮಾಡುವುದು. ಇದು ರಕ್ತದಲ್ಲಿನ ಕೊಲೆಸ್ಟ್ರಾಲ್ ಮಟ್ಟದ ಮೇಲೆ ಯಾವುದೇ ಪರಿಣಾಮ ಬೀರದೆ ಹೀಗೆ ಮಾಡುವುದು.
ಇಂತಹ ಸಮಸ್ಯೆ ನಿವಾರಣೆ ಮಾಡಲು ಆಸ್ಪಿರಿನ್ ಬಳಕೆ ಮಾಡಲು ಸೂಚಿಸಲಾಗುತ್ತದೆ. ಆದರೆ ಆಸ್ಪಿರಿನ್ ಬಳಕೆ ಮಾಡಿದರೆ ಅದರಿಂದ ಉರಿಯೂತ ಮತ್ತು ಅಲ್ಸರ್ ಕಂಡುಬರುವುದು. ದಿನದಲ್ಲಿ 2-3 ಕಿವಿ ಹಣ್ಣು ತಿಂದರೆ ಅದರಿಂದ ರಕ್ತ ತೆಳುವಾಗುವುದು ಮತ್ತು ಹೃದಯದ ಆರೋಗ್ಯವನ್ನು ಕೂಡ ಕಾಪಾಡಬಹುದು ಎಂದು ಹೇಳಲಾಗಿದೆ.
ಇದರಲ್ಲಿ ಇರುವಂತಹ ಹೆಚ್ಚಿನ ಪ್ರಮಾಣದ ವಿಟಮಿನ್ ಸಿ ಮತ್ತು ಆಂಟಿಆಕ್ಸಿಡೆಂಟ್ ಅಂಶವು ಅಸ್ತಮಾದ ಲಕ್ಷಣಗಳನ್ನು ಕಡಿಮೆ ಮಾಡುವುದು. ಕಿವಿ ಹಣ್ಣನ್ನು ನಿಯಮಿತವಾಗಿ ಸೇವನೆ ಮಾಡಿದವರಲ್ಲಿ ಶ್ವಾಸಕೋಶದ ಕಾರ್ಯವು ಸುಧಾರಣೆ ಆಗುವುದು ತಿಳಿದುಬಂದಿದೆ.
ಕಿವಿ ಹಣ್ಣಿನಲ್ಲಿ ಇರುವಂತಹ ಆಹಾರದ ನಾರಿನಾಂಶವು ಜೀರ್ಣಕ್ರಿಯೆ ಸುಧಾರಣೆ ಮಾಡುವುದು. ಇದರಲ್ಲಿ ನಾರಿನಾಂಶ ಮಾತ್ರವಲ್ಲದೆ, ಕೆಲವೊಂದು ಕಿಣ್ವಗಳು ಕೂಡ ಇದೆ ಮತ್ತು ಇದು ಹೊಟ್ಟೆಯಲ್ಲಿ ಪ್ರೋಟೀನ್ ವಿಘಟಿಸಲು ನೆರವಾಗುವುದು.
ಹೊಟ್ಟೆ ತುಂಬಾ ಊಟ ಮಾಡಿದರೆ ಅದರ ಬಳಿಕ ಕಿವಿ ಹಣ್ಣು ತಿಂದರೆ ಅದರಿಂದ ಮಾಂಸ ಮತ್ತು ಮೀನಿನಲ್ಲಿ ಇರುವಂತಹ ಪ್ರೋಟೀನ್ ನ್ನು ಇದು ಸುಲಭವಾಗಿ ವಿಘಟಿಸಲು ನೆರವಾಗುವುದು ಮತ್ತು ಹೊಟ್ಟೆಯಲ್ಲಿ ಕಾಣಿಸಿಕೊಳ್ಳುವ ಹೊಟ್ಟೆ ಉಬ್ಬರ ಕಡಿಮೆ ಮಾಡುವುದು. ಇದರಲ್ಲಿ ಹಗುರವಾದ ವಿರೇಚಕ ಗುಣವಿರುವ ಕಾರಣದಿಂದಾಗಿ ಇದು ಜೀರ್ಣಕ್ರಿಯೆ ನಿಧಾನವಾಗಿ ಆಗುವಂತೆ ಮಾಡುವುದು.
ಕಿವಿ ಹಣ್ಣು ರಕ್ತದೊತ್ತಡವನ್ನು ಕಡಿಮೆ ಮಾಡುವುದು ಮತ್ತು ಹೃದಯ ಹಾಗೂ ಪಾರ್ಶವಾಯುವಿನಂತಹ ಸಮಸ್ಯೆಯನ್ನು ಕಡಿಮೆ ಮಾಡುವುದು. 8 ವಾರಗಳ ತನಕ ಪ್ರತಿನಿತ್ಯ ಮೂರು ಕಿವಿ ಹಣ್ಣು ತಿಂದವರಲ್ಲಿ ವ್ಯಾಕೋಚನ ಮತ್ತು ಸಂಕೋಚನದ ರಕ್ತದೊತ್ತಡವು ಕಡಿಮೆ ಆಗಿದೆ ಎಂದು ಅಧ್ಯಯನಗಳು ಹೇಳಿವೆ.
ಕಿವಿಯಲ್ಲಿ ಹೆಚ್ಚಿನ ಪ್ರಮಾಣದ ಆಂಟಿಆಕ್ಸಿಡೆಂಟ್, ಲುಟೇನ್ ಇದ್ದು, ರಕ್ತದೊತ್ತಡ ನಿಯಂತ್ರಿಸುವಲ್ಲಿ ಇದು ಪ್ರಮುಖ ಪಾತ್ರ ವಹಿಸುವುದು. ವಿಟಮಿನ್ ಸಿ ಹೊಂದಿರುವ ಕಿವಿ ಹಣ್ಣು ರಕ್ತದೊತ್ತಡ ಕಡಿಮೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸುವುದು.