ಭಾರತ ವಿಶ್ವಕಪ್ ಗೆಲ್ಲಲು ಸಮರ್ಥ: ಗಾವಸ್ಕರ್

ಸಮತೋಲನದಿಂದ ಕೂಡಿರುವ ಭಾರತ ಕ್ರಿಕೆಟ್ ತಂಡವು ಈ ಬಾರಿ ತವರಿನಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ ಗೆಲ್ಲಲು ಸಮರ್ಥವಾಗಿದೆ ಎಂದು ಮಾಜಿ ಯಶಸ್ವಿ ನಾಯಕ ಸುನಿಲ್ ಗಾವಸ್ಕರ್ ಅಭಿಪ್ರಾಯಪಟ್ಟಿದ್ದಾರೆ.

ಇದರೊಂದಿಗೆ ಆತಿಥೇಯ ರಾಷ್ಟ್ರ ವಿಶ್ವಕಪ್ ಗೆಲ್ಲಲು ಸಾಧ್ಯವಿಲ್ಲವೆಂಬ ದುರದೃಷ್ಟವನ್ನು ನೀಗಿಸಲಿದೆ ಎಂದವರು ಹೇಳಿದರು. ಇದುವರೆಗೆ ಆಡಿರುವ ವಿಶ್ವಕಪ್‌ಗಳಲ್ಲಿ ಆತಿಥ್ಯ ವಹಿಸುವ ತಂಡಗಳು ಪ್ರಶಸ್ತಿ ಎತ್ತುವಲ್ಲಿ ವಿಫಲವಾಗಿದೆ.

ಭಾರತ ತಂಡ ಅನುಭವಿ ಹಾಗೂ ಯುವ ಆಟಗಾರರಿಂದ ತುಂಬಿಕೊಂಡಿದೆ. ಹಾಗೆಯೇ ತಂಡ ಸಮತೋಲಿತವಾಗಿದೆ ಎಂದವರು ವಿವರಿಸಿದರು.

ಆಟಗಾರರ ಸ್ಥೈರ್ಯ ಕೆಡಿಸುವ ಬದಲು ಬಾರತೀಯರು ಪೂರ್ಣ ಬೆಂಬಲ ನೀಡಬೇಕಾಗಿದೆ ಎಂದವರು ಇದೇ ಸಂದರ್ಭದಲ್ಲಿ ವಿನಂತಿ ಮಾಡಿದರು.

ಕ್ಷಣ ಕ್ಷಣದ ತಾಜಾ ಸುದ್ದಿಗಳಿಗೆ, ವಿಶೇಷ ಸುದ್ದಿಗಳಿಗೆ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ