ಚುನಾವಣಾ ಕರ್ತವ್ಯದಲ್ಲಿದ್ದ ಸಿಬ್ಬಂದಿಗೆ ಹಾವು ಕಡಿತ
ರಾಯಚೂರು , ಗುರುವಾರ, 17 ಏಪ್ರಿಲ್ 2014 (07:52 IST)
ಇಂದು ಪ್ರಾರಂಭವಾಗಿರುವ ಲೋಕಸಭಾ ಚುನಾವಣೆಗಾಗಿ, ನಿನ್ನೆಯೇ ಕರ್ತವ್ಯಕ್ಕೆ ಹಾಜರಾಗಿದ್ದ ಸಿಬ್ಬಂದಿಗೆ ಮತಗಟ್ಟೆಯಲ್ಲಿ ಹಾವು ಕಡಿದು ಆಸ್ಪತ್ರೆಗೆ ದಾಖಲಾದ ಘಟನೆ ರಾಯಚೂರಿನಲ್ಲಿ ನಡೆದಿದೆ.
ರಾಯಚೂರಿನ ಮಾನ್ವಿ ತಾಲ್ಲೂಕಿನ ಧೋತರಬಂಡಿಯ ಮತಗಟ್ಟೆ ಸಂಖ್ಯೆ 204 ರಲ್ಲಿ ಚುನಾವಣಾ ಕರ್ತವ್ಯಕ್ಕೆ ನಿಯೋಜಿತಗೊಂಡಿದ್ದ ಸಿಬ್ಬಂದಿ ಶ್ರೀಧರ ಗೌಡ ನಿನ್ನೆ ರಾತ್ರಿ ಅಲ್ಲಿನ ಶಾಲೆಯಲ್ಲಿ ಮಲಗಿದ್ದರು. ಇಂದು ಬೆಳಿಗ್ಗೆ 4. 30ರ ಸುಮಾರಿಗೆ ಅವರಿಗೆ ಹಾವು ಕಡಿದಿದ್ದು ಅವರನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ವರದಿಯಾಗಿದೆ .ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ಚುನಾವಣಾ ಅಧಿಕಾರಿಗಳು ತಿಳಿಸಿದ್ದಾರೆ.
