ನಾಳೆ ರಾಜ್ಯದ 434 ಅಭ್ಯರ್ಥಿಗಳ ಭವಿಷ್ಯ ಮತಯಂತ್ರಗಳಲ್ಲಿ ಭದ್ರ
, ಬುಧವಾರ, 16 ಏಪ್ರಿಲ್ 2014 (19:24 IST)
ಬೆಂಗಳೂರು: ನಾಳೆ ರಾಜ್ಯದ 28 ಲೋಕಸಭೆ ಕ್ಷೇತ್ರಗಳಿಗೆ ಐದನೇ ಹಂತದ ಚುನಾವಣೆ ನಡೆಯಲಿದೆ. 28 ಕ್ಷೇತ್ರಗಳಲ್ಲಿ 434 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ಬೆಳಿಗ್ಗೆ 7 ಗಂಟೆಗೆ ಮತದಾನ ಆರಂಭವಾಗಲಿದ್ದು, ಸಂಜೆ ಆರು ಗಂಟೆಗೆ ಮುಗಿಯಲಿದೆ. ಅಭ್ಯರ್ಥಿಗಳ ಭವಿಷ್ಯವನ್ನು ಮತದಾರ ನಾಳೆ ಬರೆಯಲಿದ್ದಾನೆ. ಈ ಬಾರಿ ಗುರುತಿನ ಚೀಟಿ ಇಲ್ಲದಿದ್ದರೂ ಬೇರಾವುದೇ ಗುರುತಿನ ಪತ್ರಗಳಾದ ಪಾಸ್‌ಪೋರ್ಟ್, ಭಾವಚಿತ್ರದೊಂದಿಗೆ ಬ್ಯಾಂಕ್ ಅಕೌಂಟ್ ಮುಂತಾದ ದಾಖಲೆಗಳಿದ್ದರೂ ಮತ ಚಲಾಯಿಸಬಹುದು. ಅತ್ಯಧಿಕ ಸಂಖ್ಯೆಯ ಮತದಾನಕ್ಕೆ ಅವಕಾಶ ಕಲ್ಪಿಸಲು ಚುನಾವಣೆ ಆಯೋಗ ಮೇಲಿನ ನಿರ್ಧಾರಕ್ಕೆ ಬಂದಿದೆ. ಈ ಬಾರಿ ಯಾವುದೇ ಅಭ್ಯರ್ಥಿ ಇಷ್ಟವಿಲ್ಲವೆಂದು ಸೂಚಿಸುವ 'ನೋಟಾ' ಆಯ್ಕೆಯನ್ನು ಮತದಾರ ಮಾಡಬಹುದು. ಇಂದು ಬಹಿರಂಗ ಪ್ರಚಾರ ಇಲ್ಲದಿರುವುದರಿಂದ ಮನೆ, ಮನೆಗೆ ತೆರಳಿ ಅಭ್ಯರ್ಥಿಗಳು ಮತಯಾಚನೆ ಮಾಡಿದ್ದಾರೆ.
