ನಿನ್ನಿಂದಲೇ ಸಿನಿಮಾಗೆ ಯು ಸರ್ಟಿಫಿಕೇಟ್
, ಭಾನುವಾರ, 12 ಜನವರಿ 2014 (12:42 IST)
ಕನ್ನಡದ ಬಹು ನಿರೀಕ್ಷಿತ ಸಿನಿಮಾ ನಿನ್ನಿಂದಲೇ. ಈ ಚಿತ್ರದಲ್ಲಿ ಪುನೀತ್ ರಾಜ್ ಕುಮಾರ್ ಮುಖ್ಯ ಭೂಮಿಕೆಯಲ್ಲಿ ಇದ್ದಾರೆ. ಈ ಚಿತ್ರಕ್ಕೆ ಸಂಬಂಧಪಟ್ಟ ಅನೇಕ ದಾಖಲೆಗಳ ಬಗ್ಗೆ ನಾವು ತಿಳಿಸುತ್ತಾ ಬಂದಿದ್ದೇವೆ. ಈಗ ಈ ಸಿನಿಮಾ ೧೬ ನೆ ತಾರೀಖು ಬಿಡುಗಡೆ ಭಾಗ್ಯ ಕಾಣುತ್ತಿದೆ. ಕಳೆದ ವರ್ಷ ಒಂದು ಸಿನಿಮಾ ಬಿಡುಗಡೆ ಆಗಿರಲಿಲ್ಲ್ಲ ಅಪ್ಪುದು. ಅವರ ಅಭಿಮಾನಿಗಳಿಗೆ ಸುಗ್ಗಿ ನೀಡಲು ಅಪ್ಪು ಸುಗ್ಗಿ ಹಬ್ಬ ಸಂಕ್ರಾಂತಿಯ ಮಾರನೆಯ ದಿನ ನಿನ್ನಿಂದಲೇ ಚಿತ್ರದ ಮುಖಾಂತರ ತೆರೆಯ ಮೇಲೆ ಕಾಣ ಸಿಗುತ್ತಿದ್ದಾರೆ. ಈ ಚಿತ್ರಕ್ಕೆ ಯು ಸರ್ಟಿಫಿಕೆಟ್ ದೊರಕಿದೆ. ಅಪ್ಪು ಅವರ ಜೊತೆಯಾಗಿದ್ದಾರೆ ಎರಿಕ ಫರ್ನಾಂಡೀಸ್ ಈ ಚಿತ್ರಕ್ಕೆ ಸೆನ್ಸಾರ್ ಬೋರ್ಡ್ ನಿಂದ ಪ್ರಮಾಣ ಪತ್ರ ಸಿಗಲು ತಡವಾದ ಕಾರಣ ಏನೆಂದರೆ, ಅಲ್ಲಿದ್ದ ಕೆ.ನಾಗರಾಜು ಅವರ ಬದಲಾಗಿ ನಾಗೇಂದ್ರ ಬಾಬು ಬಂದರು. ಆ ಸ್ಥಾನದ ಬದಲಾವಣೆಯ ಕಾರಣದಿಂದ ನಿನ್ನಿಂದಲೇ ಗೆ ಸರ್ಟಿಫಿಕೆಟ್ ದೊರೆಯುವುದು ತಡ ಆಯಿತಂತೆ. ಈ ಚಿತ್ರವೂ ನ್ಯೂಯಾರ್ಕ್ ನಲ್ಲಿ 40 ದಿನಗಳ ಕಾಲ ಶೂಟಿಂಗ್ ಮಾಡಿದೆ. ಇದೊಂದು ಸರಳ ಪ್ರೀತಿಯ ಕಥಾಹಂದರ ಹೊಂದಿರುವ ಚಿತ್ರವಾಗಿದೆ. ಈ ಚಿತ್ರದ ಟೀವಿ ರೈಟ್ಸ್ ಸಹ ಸಾಕಷ್ಟು ಮೊತ್ತದಿಂದ ದಾಖಲೆ ನಿರ್ಮಿಸಿತ್ತು. ಸುಮಾರು 10 ಕೋಟಿ ರುಉಪಾಯಿಗಳಿಂದ ಈ ಚಿತ್ರವನ್ನು ನಿರ್ಮಿಸಲಾಗಿದೆ. ಚಿತ್ರದಲ್ಲಿ ತೆಲುಗು ಚಿತ್ರರಂಗದ ಪ್ರಸಿದ್ಧ ಹಾಸ್ಯನಟ ಬ್ರಹ್ಮಾನಂದಂ ಸಹ ನಟಿಸಿದ್ದಾರೆ. ಮಣಿಶರ್ಮ ಸಂಗೀತ, ಪಿಜಿ ವಿಂದ ಛಾಯಾಗ್ರಹಣವಿದೆ. ವಿನಾಯಕ್ ಜೋಷಿ, ಅವಿನಾಶ್ ಜುಗಾರಿ , ಅಲೋಕ್ ಬಾಬು, ಸೋನಿಯಾ ದೀಪ್ತಿ ಅಚ್ಯುತ್ ಕುಮಾರ್ ಮುಂತಾದವರು ಚಿತ್ರದಲ್ಲಿ ನಟಿಸಿದ್ದಾರೆ.
