ಈ ಶುಕ್ರವಾರ (ಜು.26)ದಂದು ಬಿಡುಗಡೆಯಾಗುತ್ತಿರುವ ಇನ್ನೊಂದು ಚಿತ್ರ ಲೂಸುಗಳು...ನಾವು ನೀವು. 23 ಹೊಸ ತಂತ್ರಜ್ಞರಿಂದ ಕೂಡಿದ ವಿಶೇಷ ಬಗೆಯ ಚಿತ್ರ. ಆರಂಭದಿಂದಲೂ ಕುತೂಹಲ ಉಳಿಸಿಕೊಂಡು ಬಂದಿರುವ ಚಿತ್ರ ಇದು.
ಹೊಸ ಪ್ರಯತ್ನದೊಂದಿಗೆ ಮುನ್ನುಗ್ಗುತ್ತಿರುವ ನವ ನಿರ್ದೇಶಕ ಅರುಣ್ ಅವರ ನೂತನ ಐಡಿಯಾಗಳೊಂದಿಗೆ ಹೊರಬಂದಿರುವ ಚಿತ್ರ ಲೂಸುಗಳು. ಚಿತ್ರಕ್ಕೆ ಪ್ರಾದೇಶಿಕ ಸೆನ್ಸಾರ್ ಮಂಡಳಿ ಯು/ಎ ಅರ್ಹತಾ ಪತ್ರ ನೀಡಿದೆ. ಬಿಡುಗಡೆಗೂ ಮುನ್ನ ತಮಿಳಿಗೆ ರಿಮೇಕ್ ಆಗುವ ಹಕ್ಕುಗಳನ್ನು ಕೇಳಲಾಗಿದೆ. ಧ್ವನಿ ಸುರುಳಿ, ಡಿಜಿಟಲ್ ಆಡಿಯೋ ಬಿಡುಗಡೆ ವ್ಯವಸ್ಥೆಯನ್ನು ನಿರ್ದೇಶಕ ಅರುಣ್ ಮೊದಲ ಪ್ರಯತ್ನದಲ್ಲೇ ಮಾಡಿದ್ದಾರೆ.
ಹದಿನೆಂಟು ಜಾಹೀರಾತು ಕಂಪೆನಿಗಳೊಂದಿಗೆ ಹಾಡುಗಳು ಹಾಗೂ ಸಿನೆಮಾ ಪ್ರಚಾರ ಮಾಡುತ್ತಿದ್ದಾರೆ ನಿರ್ದೇಶಕ ಅರುಣ್ ಚಿತ್ರದ ಸಂಗೀತ ನಿರ್ದೇಶಕಿಯಾಗಿ ವಾಣಿ ಹರಿಕೃಷ್ಣ ಪರಿಚಿತರಾಗುತ್ತಿದ್ದಾರೆ. ಇದೇ ಮೊದಲ ಬಾರಿಗೆ ನಟಿ ರೇಖಾ ವೇದವ್ಯಾಸ್ ಐಟಂ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ರೇಖಾ ಅವರ ಜೋಡಿಯಾಗಿ ಶ್ರೀಮುರಳಿ ನಟಿಸಿದ್ದಾರೆ. ಚಿತ್ರದ ನಾಯಕರಾಗಿ ಶ್ರೀಕಿ ಜೊತೆ ಶ್ರಾವ್ಯಾ, ಅಕುಲ್ಬಾಲಾಜಿ ಜೊತೆ ಐಶ್ವರ್ಯನಾಗ್ ಅಭಿನಯಿಸಿದ್ದಾರೆ. ಶೋಭಿತಾ ರಾಯ್, ರವಿ ಚೇತನ್, ಪದ್ಮಜಾ ರಾವ್, ಮಿಮಿಕ್ರಿ ದಯಾನಂದ, ರವಿ, ಹರೀಶ್, ವಿಜಯಸಾರಥಿ, ಅವರು ತಾರಾಗಣದಲ್ಲಿದ್ದಾರೆ.