ಕುಮಾರಸ್ವಾಮಿ ಪಾರ್ಟಿ ತೆಕ್ಕೆಗೆ ಪೂಜಾ ಗಾಂಧಿ!
ರಾಜಕಾರಣಿಗಳು ಮತ್ತು ಸಿನಿ ತಾರೆಗಳ ಸಂಬಂಧ ಯಾವತ್ತೂ ರಂಗು ರಂಗು. ಗಾಸಿಪ್ಪಿನ ಪುಟಗಳಲ್ಲಿ ಅವರ ಸುದ್ದಿಗಳಿಗೆ ಮೊದಲ ಆದ್ಯತೆ. ಸ್ವತಃ ಪೂಜಾ ಗಾಂಧಿಯೇ ಇದಕ್ಕೆಲ್ಲ ಆಹಾರವಾದವರು. ಆದರೆ ಈಗ ಸುದ್ದಿಯಾಗಿರುವುದು ಆ ಕಾರಣಗಳಿಗಲ್ಲ, ಮೊನ್ನೆಯಷ್ಟೇ ಬೆತ್ತಲೆ ಬೆನ್ನಿನ ದರ್ಶನ ಮಾಡಿಸಿದ್ದ ಮಳೆ ಹುಡುಗಿಯೀಗ ಜಾತ್ಯತೀತ ಜನತಾದಳ ಸೇರುತ್ತಿದ್ದಾರಂತೆ!
ಹೌದು, ಗುರುವಾರ ಅವರು ಇದ್ದಕ್ಕಿದ್ದಂತೆ ಕುಮಾರಣ್ಣನ ಕಚೇರಿಯಲ್ಲಿ ಪ್ರತ್ಯಕ್ಷರಾಗಿ ಅಚ್ಚರಿ ಹುಟ್ಟಿಸಿದರು. ಅವರ ಜತೆಗಿದ್ದವರು ಜೆಡಿಎಸ್ ಮಹಿಳಾ ಘಟಕದ ಅಧ್ಯಕ್ಷೆ ಜ್ಯೋತಿ ರೆಡ್ಡಿ. ತಾನು ಬಂದಿರುವುದೇತಕ್ಕೆ ಅನ್ನೋದನ್ನು ಪೂಜಾ ಗಾಂಧಿ ಹೇಳಿಲ್ಲವಾದರೂ, ರಾಜಕೀಯ ಪಕ್ಷದ ಕಚೇರಿಯೊಂದಕ್ಕೆ ಬರಲು ಬೇರೇನಿದೆ ಕಾರಣ ಅಂತ ಯಾರಾದರೂ ಪ್ರಶ್ನಿಸಬಹುದು.ಇದಕ್ಕೆ ಉತ್ತರವೆಂಬಂತೆ ಜ್ಯೋತಿ ರೆಡ್ಡಿ ಅರೆಬರೆ ಮಾಹಿತಿ ನೀಡಿದ್ದಾರೆ. ಅದರ ಪ್ರಕಾರ, ಪೂಜಾ ಜೆಡಿಎಸ್ ಸೇರುವುದು ಖಚಿತ. ಯಾವಾಗ ಅನ್ನೋದು ಮಾತ್ರ ಈಗ ಉಳಿದಿರುವ ಪ್ರಶ್ನೆ.
