ಥೂ ನನ್ ಮಕ್ಳಾ ಹಾಡಿಗೆ ಉಪೇಂದ್ರ ಟಚ್
ಮಾಸ್ ಪ್ರೇಕ್ಷಕರನ್ನು ಮೆಚ್ಚಿಸುವ ಹಾಡುಗಳನ್ನು ಬರೆಯುವ ಕನ್ನಡದ ಕೆಲವೇ ಕೆಲವರಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ಕೂಡ ಒಬ್ಬರು. ಬರೀ ಬರೆದರಷ್ಟೇ ಸಾಕೇ? ಆ ಹಾಡಿಗೆ ಜೀವ ತುಂಬುವ ದನಿ ಬೇಕಲ್ಲವೇ? ದನಿಯಿದ್ದರೆ ಸಾಕೇ? ಅದು ಜನರಿಗೆ ತಲುಪುವಂತಿರಬೇಕಲ್ಲವೇ? ಅವು ಇಲ್ಲ ಅನ್ನೋವಾಗ ಬದಲಾವಣೆ ಸಹಜ. ಈಗ ಆಗಿರುವುದು ಅದೇ! ತಾಜಾ ಸುದ್ದಿ, ಕನ್ನಡ ಸುದ್ದಿ, ಕನ್ನಡ ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿಅಂದರೆ 'ಆರಕ್ಷಕ' ಚಿತ್ರದ 'ಥೂ ನನ್ ಮಕ್ಳಾ...' ಹಾಡನ್ನು ಸ್ವತಃ ಉಪ್ಪಿ ಹಾಡಿದ್ದಾರೆ. ನೋ.. ನೋ.. ನಾವು ಹೋದಲ್ಲೆಲ್ಲ ಕೇಳ್ತಾ ಇದ್ದೀವಿ, ಅದನ್ನು ಹಾಡಿರೋದು ಕೈಲಾಸ್ ಖೇರ್ ಅಂತೀರಾ? ಅದೂ ನಿಜಾನೇ. ಮೊನ್ನೆ ತಾನೇ ಬಿಡುಗಡೆಯಾಗಿರುವ ಆಲ್ಬಂನಲ್ಲಿರೋದು ಕೈಲಾಸ್ ಖೇರ್ ದನಿ. ಆದರೆ ಸಿನಿಮಾದಲ್ಲಿ ಮಾತ್ರ ಈ ಹಾಡು ಉಪ್ಪಿ ದನಿಯಲ್ಲಿರಲಿದೆ!ಕೃಷ್ಣ ಪ್ರಜ್ವಲ್ ನಿರ್ಮಾಣದ 'ಆರಕ್ಷಕ' ಚಿತ್ರದ ಈ ಹಾಡು ಆರಂಭದಿಂದಲೂ ಪ್ರಚಾರದಲ್ಲಿತ್ತು. ಆದರೆ ಹಾಡು ಕೇಳಿದವರಿಗೆ ಕೈಲಾಸ್ ಖೇರ್ ಉಚ್ಛಾರ ಇಷ್ಟವಾಗಿರಲಿಲ್ಲ. ವಿಮರ್ಶಕರು ಸೇರಿದಂತೆ ಹಲವರು ಆಕ್ಷೇಪಿಸಿದ್ದರು. ಕೈಲಾಸ್ ಬದಲು ಸ್ವತಃ ಉಪ್ಪಿಯೇ ಹಾಡಬೇಕಿತ್ತು ಅಂತ ಚಿತ್ರರಂಗದ ಆತ್ಮೀಯರೇ ಹೇಳಿದ್ದರು.ಅಭಿಮಾನಿಗಳಂತೂ ಈ ಹಾಡನ್ನು ಉಪ್ಪಿಯಿಂದಲೇ ಹಾಡಿಸಬೇಕು ಅಂತ ಪಟ್ಟು ಹಿಡಿಯ ತೊಡಗಿದರು. ರಾಜಕಾರಣಿಗಳನ್ನು ತರಾಟೆಗೆ ತೆಗೆದುಕೊಳ್ಳುವ ಹಾಡುಗಳು ಉಪ್ಪಿ ದನಿಯಲ್ಲಿ ಸೂಪರ್ ಹಿಟ್ ಆಗಿವೆ. ಹಾಗಾಗಿ ಈ ಹಾಡನ್ನು ಕೂಡ ಉಪ್ಪಿಯೇ ಹಾಡಬೇಕು ಎಂಬ ಒತ್ತಾಯ ಜೋರಾಗ ತೊಡಗಿತು.ಇದಕ್ಕೆ ನಿರ್ಮಾಪಕ ಕೃಷ್ಣ ಪ್ರಜ್ವಲ್ ಮತ್ತು ಸಂಗೀತ ನಿರ್ದೇಶಕ ಗುರುಕಿರಣ್ ಕೊನೆಗೂ ಮಣಿದರು. ಕೈಲಾಸ್ ಖೇರ್ ಹಾಡಿದ್ದ 'ಥೂ ನನ್ ಮಕ್ಳಾ ಗಂಡಸ್ರಾ ನೀವು ಮೀಸೆ ಇದ್ದರೆ.. ಎಪ್ಪತ್ರಲ್ಲೂ ಎದ್ದು ಬಂದ್ರಲ್ಲೋ ಅಣ್ಣಾ ಹಜಾರೆ...' ಹಾಡನ್ನು ಉಪ್ಪಿ ಕೈಯಲ್ಲಿ ಹಾಡಿಸಿದ್ದಾರೆ. ಹಾಡು ಸೂಪರ್ರಾಗಿ ಬಂದಿದೆಯಂತೆ. ಸಿನಿಮಾದಲ್ಲಿ ಉಪ್ಪಿ ಹಾಡಿದ ಹಾಡೇ ಇರುತ್ತದೆ ಮತ್ತು ಎರಡನೇ ಹಂತದಲ್ಲಿ ಮಾರುಕಟ್ಟೆಗೆ ಬರುವ ಆಡಿಯೋದಲ್ಲಿ ಹೆಚ್ಚುವರಿಯಾಗಿ ಉಪ್ಪಿ ಹಾಡನ್ನು ಸೇರಿಸಲಾಗುತ್ತದೆಯಂತೆ.ಅಂದ ಹಾಗೆ ರಾಗಿಣಿ ದ್ವಿವೇದಿ ಮತ್ತು ಸದಾ ನಾಯಕಿಯರಾಗಿರುವ ಈ ಚಿತ್ರ ಜನವರಿ 26ರಂದೇ ತೆರೆಗೆ ಬರುತ್ತಿದೆ.ವೆಬ್‌ದುನಿಯಾ ಕನ್ನಡ ಓದುಗರೇ! ಕಾಮೆಂಟ್ ಮಾಡೋ ಮುನ್ನ ಇಲ್ಲೊಮ್ಮೆ ಓದಿ ನೋಡಿ!
