ಬೆಂಗಳೂರು: ಪುಟ್ಟಗೌರಿ ಮದುವೆ ಧಾರವಾಹಿ ಬಳಿಕ ಅತೀ ಹೆಚ್ಚು ಜನಪ್ರಿಯತೆ ಜತೆಗೆ ಟ್ರೋಲ್ ಗೊಳಗಾದ ಧಾರವಾಹಿ ಎಂದರೆ ಅಗ್ನಿಸಾಕ್ಷಿ. ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಈ ಧಾರವಾಹಿ ಮತ್ತೆ ಆರಂಭವಾಗುತ್ತಿದೆ.
ಲಾಕ್ ಡೌನ್ ನಿಂದಾಗಿ ಧಾರವಾಹಿಗಳ ಚಿತ್ರೀಕರಣ ನಡೆಯುತ್ತಿಲ್ಲ. ಹೀಗಾಗಿ ಕಿರುತೆರೆ ವಾಹಿನಿಗಳು ಹಳೆಯ ಧಾರವಾಹಿಗಳನ್ನೇ ಮರಳಿ ಪ್ರಸಾರ ಮಾಡುತ್ತಿವೆ. ಅದೇ ರೀತಿ ಅಗ್ನಿಸಾಕ್ಷಿ ಇಂದಿನಿಂದ ಮೊದಲ ಎಪಿಸೋಡ್ ನಿಂದ ಮರಳಿ ಪ್ರಸಾರವಾಗಲಿದೆ. ಬೆಳಿಗ್ಗೆ 9 ರಿಂದ 10 ಗಂಟೆಯವರೆಗೆ ವಾರದ ದಿನಗಳಲ್ಲಿ ಧಾರವಾಹಿ ಮರುಪ್ರಸಾರವಾಗಲಿದೆ.
ಅದರ ಜತೆಗೆ ಪೌರಾಣಿಕ ಧಾರವಾಹಿ ‘ಶನಿ’ಯನ್ನೂ ಮರಳಿ ಪ್ರಸಾರ ಮಾಡಲು ಕಲರ್ಸ್ ವಾಹಿನಿ ನಿರ್ಧರಿಸಿದೆ. ಇದು ಸಂಜೆ 5 ರಿಂದ 6 ಗಂಟೆಯವರೆಗೆ ಪ್ರತಿನಿತ್ಯ ಮರಳಿ ಪ್ರಸಾರವಾಗಲಿದೆ.