ಬೆಂಗಳೂರು: ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಅಗ್ನಿಸಾಕ್ಷಿ ಧಾರವಾಹಿಯ ಮುಖ್ಯ ಭೂಮಿಕೆಯಲ್ಲಿರುವ ಸಿದ್ಧಾರ್ಥ್-ಸನ್ನಿಧಿ ಅಲಿಯಾಸ್ ವಿಜಯ್ ಸೂರ್ಯ, ವೈಷ್ಣವಿ ಇನ್ನು ಇನ್ನೊಂದು ಕಾರ್ಯಕ್ರಮಕ್ಕೆ ಜೋಡಿಯಾಗಲಿದ್ದಾರೆ.
ಈ ಧಾರವಾಹಿ ಮೂಲಕ ಇವರಿಬ್ಬರ ಜೋಡಿಯನ್ನು ಜನ ಎಷ್ಟು ಇಷ್ಟಪಟ್ಟಿದ್ದಾರೆಂದರೆ ನಿಜ ಜೀವನದಲ್ಲೂ ಇವರೇ ಜೋಡಿಯಾಗಲಿ ಎನ್ನುವಷ್ಟರ ಮಟ್ಟಿಗೆ ಪಾಪ್ಯುಲರ್. ಇದೀಗ ವೀಕ್ಷಕರ ಆಸೆ ಪೂರೈಸಲು ವೀಕೆಂಡ್ ನಲ್ಲೂ ಇವರಿಬ್ಬರೂ ಒಟ್ಟಾಗಿ ಕಾಣಿಸಿಕೊಳ್ಳಲಿದ್ದಾರೆ.
ಮಜಾ ಟಾಕೀಸ್ ಮುಕ್ತಾಯದ ನಂತರ ಹೊಸದಾಗಿ ಆರಂಭವಾಗುತ್ತಿರುವ ‘ಕಾಮಿಡಿ ಟಾಕೀಸ್’ಗೆ ಇವರಿಬ್ಬರೂ ಜತೆಯಾಗಿ ನಿರೂಪಣೆ ಮಾಡಲಿದ್ದಾರೆ. ಹಾಗಾಗಿ ಇದುವರೆಗೆ ಸೋಮವಾರದಿಂದ ಶುಕ್ರವಾರದರೆಗಷ್ಟೇ ಇವರಿಬ್ಬರ ಸರಸ ಸಲ್ಲಾಪ ನೋಡುತ್ತಿದ್ದ ವೀಕ್ಷಕರು ಇನ್ನು ಶನಿವಾರ ಮತ್ತು ಭಾನುವಾರವೂ ರಾತ್ರಿ 8 ಗಂಟೆಗೆ ಇವರಿಬ್ಬರನ್ನು ನೋಡಿ ಖುಷಿಪಡಬಹುದು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ