ನಾಲ್ಕು ಬಾರಿ ಬ್ರೆಸ್ಟ್ ಸ್ಟ್ರೋಕ್ ವಿಶ್ವಚಾಂಪಿಯನ್ ಯುಲಿಯಾ ಎಫಿಮೋವಾ ಸೇರಿದಂತೆ ರಷ್ಯಾದ ಏಳು ಈಜುಪಟುಗಳನ್ನು ರಿಯೊ ಒಲಿಂಪಿಕ್ಸ್ ಕ್ರೀಡಾಕೂಟದಿಂದ ಅನರ್ಹಗೊಳಿಸಲಾಗಿದೆ ಎಂದು ವಿಶ್ವ ಈಜು ಆಡಳಿತ ಸಂಸ್ಥೆ ಫಿನಾ ಸೋಮವಾರ ತಿಳಿಸಿದೆ.
ಮೈಕೇಲ್ ಡೊವ್‌ಗಾಲ್‌ಯುಕ್, ನಟಾಲಿಯಾ ಲೌಟ್‌ಕೋವಾ ಮತ್ತು ಮ್ಯಾರಥಾನ್ ಈಜುಪಟು ಅನಾಸ್ಟಾಸಿಯಾ ಕ್ರಾಪಿವಿನಾ ಅವರನ್ನು ಎಫಿಮೋವಾ ಜತೆ ರಷ್ಯಾದ ಒಲಿಂಪಿಕ್ ಸಮಿತಿ ಹಿಂತೆಗೆದುಕೊಂಡಿದೆ ಎಂದು ಹೇಳಿಕೆಯಲ್ಲಿ ತಿಳಿಸಿದೆ.
ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿಯು ಹಿಂದೆ ಉದ್ದೀಪನ ಮದ್ದು ಸೇವನೆಗಾಗಿ ದಿಗ್ಬಂಧನಕ್ಕೆ ಒಳಪಟ್ಟ ಅಥ್ಲೀಟ್‌ಗಳು ಈ ಬಾರಿ ಅರ್ಹರಲ್ಲ ಎಂದು ತಿಳಿಸಿದೆ.
ರಿಯೊ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಸ್ವಚ್ಛ ರಷ್ಯಾದ ಅಥ್ಲೀಟ್‌ಗಳ ಭಾಗವಹಿಸುವಿಕೆಗೆ ಸಂಬಂಧಿಸಿದ ಐಒಸಿಯ ನಿಲುವಿಗೆ ಫಿನಾ ಬೆಂಬಲಿಸುತ್ತದೆ ಎಂದು ಹೇಳಿಕೆಯಲ್ಲಿ ತಿಳಿಸಿದೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.