ಭಾರತದ ಬಾಕ್ಸಿಂಗ್ ತಾರೆ ವಿಜೇಂದರ್ ಸಿಂಗ್ ತಮ್ಮ ಗೆಲುವಿನ ಓಟವನ್ನು ಮುಂದುವರಿಸಿದ್ದು, ಪೋಲೆಂಡ್ ಆಂಡ್ರೆಜ್ ಸೋಲ್ಡ್ರಾ ವಿರುದ್ಧ ಶುಕ್ರವಾರ ಸತತ 6ನೇ ನಾಕೌಟ್ ಜಯ ಸಾಧಿಸಿದ್ದಾರೆ. ತಮ್ಮ ವೃತ್ತಿಪರ ಬಾಕ್ಸಿಂಗ್ ವೃತ್ತಿಜೀವನದಲ್ಲಿ 8 ನೇ ಸುತ್ತಿನ ಸ್ಪರ್ಧೆ ಎದುರಿಸಿದ ವಿಜೇಂದರ್, ಮೂರನೇ ಸುತ್ತಿಗೆ ಪ್ರವೇಶಿಸಿದ ಕೆಲವೇ ನಿಮಿಷಗಳಲ್ಲಿ ಇನ್ನೊಂದು ಜಯ ಸಾಧಿಸಿದರು.
ನಾನು ರಿಂಗ್ ಪ್ರವೇಶಿಸಿದಾಗ ಕೋಚ್ ನನಗೆ ಸಹನೆಯಿಂದ ಇರುವಂತೆಯೂ ನಿನ್ನ ಸಹಜ ಆಟವನ್ನು ಆಡುವಂತೆ ತಿಳಿಸಿದ್ದರು. ಮೊದಲ ಎಂಟು ಸುತ್ತು ಗೆದ್ದಿದ್ದರಿಂದ, ನನ್ನ ವಿಶ್ವಾಸದ ಮಟ್ಟವು ಮೇಲೇರಿದ್ದು, ಇದು ಟೈಟಲ್ ಫೈಟ್‌ನಲ್ಲಿ ಒಂದು ಹೆಜ್ಜೆ ಮುಂದೆ ಎಂದು ವಿಜೇಂದರ್ ಸೆಣೆಸಾಟದ ಬಳಿಕ ಹೇಳಿದ್ದಾರೆ.
ಸೋಲ್ಡ್ರಾ 16 ಸೆಣಸಾಟದಲ್ಲಿ ಕೇವಲ 3 ಬಾರಿ ಸೋಲಿನ ರುಚಿ ಕಂಡಿದ್ದು, ವಿಜೇಂದರ್‌ಗೆ ಹಾರರ್ ಶೋ ನೀಡುವುದಾಗಿ ಹೇಳಿದ್ದರು.
ಸೋಲ್ಡ್ರಾ ಅವರ 81 ಸುತ್ತಿನ ಅನುಭವವು ಹರ್ಯಾಣದ ಆರಡಿ ಎತ್ತರದ ವಿಜೇಂದರ್ ಅವರನ್ನು ಧೃತಿಗೆಡಿಸದೇ ಮೊದಲ ಸುತ್ತಿನಲ್ಲೇ ಸೋಲ್ಡ್ರಾ ಮುಖಕ್ಕೆ ಬಲವಾದ ಪ್ರಹಾರ ನೀಡಿ ಕೆಳಕ್ಕೆ ಬೀಳಿಸಿದ್ದರು. 30 ವರ್ಷ ವಯಸ್ಸಿನ ಭಾರತೀಯ ದೆಹಲಿಯ ಸ್ವದೇಶಿ ಅಖಾಡಾದಲ್ಲಿ ಡಬ್ಲ್ಯುಬಿಒ ಏಷ್ಯಾ ಟೈಟಲ್ ಬೆಲ್ಟ್‌ಗಾಗಿ ಹೋರಾಟ ನಡೆಸಲಿದ್ದಾರೆ. ವಿಜೇಂದರ್ ಅವರ ಶಕ್ತಿಶಾಲಿ ಬಲಗೈ ಪ್ರಹಾರಗಳಿಗೆ ತತ್ತರಿಸಿದ ಸೋಲ್ಡ್ರಾ ಮೂರನೇ ಸುತ್ತಿನಲ್ಲಿ ನಿಲ್ಲುವುದಕ್ಕೆ ಕೂಡ ತಿಣುಕಾಡುತ್ತಿದ್ದರು.
ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ