ಸಾನಿಯಾ ಮಿರ್ಜಾಗೇ ಐಟಂ ಸಾಂಗ್ ಆಫರ್ ಕೊಟ್ಟ ಈ ನಿರ್ದೇಶಕ!

ಮುಂಬೈ: ಭಾರತ ಖ್ಯಾತ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಅಂದಗಾತಿ ಎನ್ನುವುದು ಎಲ್ಲರಿಗೂ ಗೊತ್ತು. ಟೆನಿಸ್ ಅಂಕಣದಲ್ಲೂ ಆಕೆಯ ಆಟಕ್ಕಿಂತ ಸ್ಕರ್ಟ್ ಬಗ್ಗೇ ಹೆಚ್ಚು ಚರ್ಚೆಯಾಗೋದು. ಅಂತಹಾ ಸಾನಿಯಾಗೆ ಬಾಲಿವುಡ್ ನ ಒಬ್ಬ ನಿರ್ದೇಶಕ ಐಟಂ ಸಾಂಗ್ ಮಾಡುವಂತೆ ಹಲವು ಬಾರಿ ಕೇಳಿಕೊಂಡಿದ್ದರಂತೆ!

ಯಾರಪ್ಪಾ ಅದು ಅಂತ ನಿಮಗೆ ಕುತೂಹಲ ಮೂಡಬಹುದು. ಇದನ್ನು ಸ್ವತಃ ಸಾನಿಯಾ ಇತ್ತೀಚೆಗೆ ಟಿವಿ ಶೋ ಒಂದರಲ್ಲಿ ಬಹಿರಂಗಪಡಿಸಿದ್ದಾರೆ. ನಿರೂಪಕ ರಿತೇಶ್ ದೇಶ್ ಮುಖ್ ನೀವು ಇಷ್ಟು ಚೆಂದ ಇದ್ದೀರಿ. ಯಾರೂ ನಿಮ್ಮನ್ನು ಸಿನಿಮಾದಲ್ಲಿ ಅಭಿನಯಿಸಲು ಕೇಳಿಕೊಂಡಿಲ್ಲವೇ? ಎಂದು ಕೇಳಿದ್ದರು.

ಅದಕ್ಕೆತನ್ನ ಪಕ್ಕದಲ್ಲೇ ಇದ್ದ ನಿರ್ದೇಶಕ ಸಾಜಿದ್ ಖಾನ್ ರನ್ನು ತೋರಿಸಿ ಉತ್ತರಿಸಿದ ಸಾನಿಯಾ “ಯಾಕಿಲ್ಲ? ನನ್ನ ಬಳಿ ಕೂತಿರುವ ಈ ಫ್ರೆಂಡ್ ಹಲವು ಬಾರಿ ಕೇಳಿಕೊಂಡಿದ್ದರು. ಹೇ ಬೇಬಿ, ಹೌಸ್ ಫುಲ್ 2, ಹಿಮ್ಮತ್ ವಾಲಾ, ಹಮ್ ಶಕಲ್ಸ್ ಚಿತ್ರಗಳಿಗೆ ಐಟಂ ಸಾಂಗ್ ಮಾಡಲು ಆಫರ್ ಕೊಟ್ಟಿದ್ದರು. ನಾನು ಒಪ್ಪದಿದ್ದಾಗ ಮೈ ತುಂಬಾ ಡ್ರೆಸ್ ತೊಟ್ಟು ಡ್ಯಾನ್ಸ್ ಮಾಡಿ ಎನ್ನುತ್ತಿದ್ದರು” ಎಂದಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ