ಕ್ರಿಕೆಟಿಗರ ಜತೆ ಸಾನಿಯಾ ಮಿರ್ಜಾ ಲಂಡನ್ ನಲ್ಲಿ ಬಿಂದಾಸ್ ಓಡಾಟ

ಲಂಡನ್: ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಪ್ರಸಕ್ತ ವಿಂಬಲ್ಡನ್ ಟೆನಿಸ್ ಟೂರ್ನಿ ಆಡುವುದಕ್ಕಾಗಿ ಇಂಗ್ಲೆಂಡ್ ನಲ್ಲಿದ್ದಾರೆ. ಇದೀಗ ಪತಿ ಶೊಯೇಬ್ ಮಲಿಕ್ ಮತ್ತು ಭಾರತದ ಕೆಲವು ಕ್ರಿಕೆಟಿಗರ ಜತೆ ಸಾನಿಯಾ ಲಂಡನ್ ನಲ್ಲಿ ಮಸ್ತ್ ಮಜಾ ಮಾಡುತ್ತಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟವಾಗಿದೆ.

ಸಾನಿಯಾ ಜತೆ ಸಮಯ ಕಳೆಯಲು ಶೊಯೇಬ್ ಸದ್ಯಕ್ಕೆ ಲಂಡನ್ ನಲ್ಲಿಯೇ ಇದ್ದಾರೆ. ಅವರ ಜತೆಗೆ ಟೀಂ ಇಂಡಿಯಾ ಮಾಜಿ ಕ್ರಿಕೆಟಿಗ ಶೊಯೇಬ್ ಮಲಿಕ್, ಆಶಿಷ್ ನೆಹ್ರಾ, ಪಾಕ್ ಕ್ರಿಕೆಟಿಗ ಅಝರ್ ಮೆಹಮೂದ್, ಬಾಲಿವುಡ್ ನಟ ಹರ್ಮನ್ ಬವೇಜಾ, ಜಹೀರ್ ಭಾವಿ ಪತ್ನಿ ಸಾಗರಿಕಾ ಘಾಟೆ ಸೇರಿಕೊಂಡಿದ್ದಾರೆ.

ಲಂಡನ್ ನಲ್ಲಿ ಪಾರ್ಟಿ ಮಾಡುತ್ತಿರುವ ಫೋಟೋಗಳನ್ನು ಸಾನಿಯಾ ತಮ್ಮ ಇನ್ ಸ್ಟಾಗ್ರಾಂ ಪುಟದಲ್ಲಿ ಪ್ರಕಟಿಸಿದ್ದಾರೆ. ಅತ್ತ ಟೆನಿಸ್ ನಲ್ಲಿ ಸಾನಿಯಾ ಈಗಾಗಲೇ ವಿಂಬಲ್ಡನ್ ಟೂರ್ನಿಯ ಮಹಿಳಾ ವಿಭಾಗದಲ್ಲಿ ಪ್ರಿ ಕ್ವಾರ್ಟರ್ ತಲುಪಿದ್ದರೆ, ಮಿಶ್ರ ಡಬಲ್ಸ್ ನಲ್ಲಿ ಸೋಲುಂಡಿದ್ದಾರೆ.

ಇದನ್ನೂ ಓದಿ..  ಕ್ರಿಕೆಟಿಗ ಮೊಹಮ್ಮದ್ ಶಮಿ ಅಪಾರ್ಟ್ ಮೆಂಟ್ ಮೇಲೆ ದಾಳಿ

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ