ಬ್ಯಾಡ್ಮಿಂಟನ್ ಲೀಗ್ ನಿಂದ ಸೈನಾ ನೆಹ್ವಾಲ್ ದೂರವುಳಿಯುವುದು ಬೇಡವೆಂದ ಕೋಚ್

ನವದೆಹಲಿ: ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ ಎನ್ನುವುದು ಅಷ್ಟು ದೊಡ್ಡ ಟೂರ್ನಮೆಂಟ್ ಏನೂ ಅಲ್ಲ. ಹೀಗಾಗಿ ಸೈನಾ ನೆಹ್ವಾಲ್ ಇದರಿಂದ ದೂರವುಳಿಯುವುದರಲ್ಲಿ ಅರ್ಥವಿಲ್ಲ ಎಂದು ಕೋಚ್ ವಿಮಲ್ ಕುಮಾರ್ ಹೇಳಿದ್ದಾರೆ.

ಹಾಗಾದರೆ ದೊಡ್ಡ ಟೂರ್ನಮೆಂಟ್ ಗಳಲ್ಲಿ ಭಾಗವಹಿಸಲು ಸೈನಾ ಹಿಂಜರಿಯುತ್ತಾರಾ ಎಂಬ ಪ್ರಶ್ನೆ ಕೇಳಬೇಡಿ. ವಿಮಲ್ ಕುಮಾರ್ ಹೇಳಿದ್ದು ಆ ಅರ್ಥದಲ್ಲಲ್ಲ. ಸೈನಾ ಇತ್ತೀಚೆಗಷ್ಟೇ ಗಾಯದಿಂದ ಚೇತರಿಸಿಕೊಳ್ಳುತ್ತಿದ್ದಾರೆ. ಈ ಹಿನ್ನಲೆಯಲ್ಲಿ ಬ್ಯಾಡ್ಮಿಂಟನ್ ಲೀಗ್ ನಲ್ಲಿ ಭಾಗವಹಿಸಿ ಮತ್ತಷ್ಟು ಆಕೆಗೆ ಒತ್ತಡ ತರುವುದು ಸರಿಯೇ ಎಂಬ ಪ್ರಶ್ನೆಗೆ ಅವರು ಈ ರೀತಿ ಉತ್ತರಿಸಿದ್ದಾರೆ.

“ಆಕೆಗೆ ಪಿಬಿಎಲ್ ಗೆ ತಯಾರಾಗಲು ಸಾಕಷ್ಟು ಸಮಯವಾಕಶಾವಿದೆ. ಹಾಗಿದ್ದರೂ, ಇದು ಇತರ ಅಂತಾರಾಷ್ಟ್ರೀಯ ಕೂಟದಂತಹ ಗಂಭೀರ ಟೂರ್ನಮೆಂಟ್ ಅಲ್ಲ. ಇದನ್ನು ಅಷ್ಟೊಂದು ಗಂಭೀರವಾಗಿ ಪರಿಗಣಿಸಬೇಕಿಲ್ಲ. ಹಾಗಾಗಿ ಸೈನಾ ಇದರಲ್ಲಿ ಆಡುತ್ತಾರೆ” ಎಂದು ವಿಮಲ್ ಕುಮಾರ್ ಹೇಳಿದ್ದಾರೆ. ಈ ಮೂಲಕ ಗಾಯದ ಸಮಸ್ಯೆಯಿಂದ ದೇಶದ ಪರ ಆಡಲು ಹಿಂದೇಟು ಹಾಕಿದರೂ, ಪ್ರೀಮಿಯರ್ ಲೀಗ್ ಗಳಲ್ಲಿ ಆಡುತ್ತಾರೆಂಬ ಟೀಕೆ ಬರದಂತೆ ಕೋಚ್ ತಮ್ಮ ಶಿಷ್ಯೆಯ ಬಗ್ಗೆ ಮೊದಲೇ ರಕ್ಷಣಾತ್ಮಕ ಆಟವಾಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ